《DSE幻想校園(一)》── 從這裡開始 (Do Something Easy): 第二節：從宿生長開始 6.2

他一手將卓龍推開，癲狂地想逃走，可是卓龍抓住了他的腳踝，絆倒在地上，同樣也流血了。

「救我呀……佢真係癲㗎……救我呀！」

眾人也慌亂起來，由最近門口的一員開始逃走。見狀，大家也爭先恐後地搶身離開天台。

「救我呀……大家！你哋去邊呀！」

最後只剩下他及我們三人。





他一直想掙開卓龍的手，可是卓龍沒有放過他。正當他回身想反擊時，發現另一隻腳已經被卓龍抓穩，說：

「不如由生食人肉開始？反正我哋都未試過……」

當他正想大叫之時，南兄突然用左腳踩著他左手，再用右手按著他的右手，左手掩著他的口，再一同說著：

「人肉好唔好食我就唔知，但滿清時代就有一種叫凌遲處死嘅方法，要先用漁網扎實犯人，之後喺網突出嚟嘅肉度一塊塊咁切出嚟，過程係無咁易死，你都可以用呢個方法嚟一塊塊咁咬嘅……」

「咁咪有排咬？生肉好難撕開㗎喎！」





「咁喺天台點無啦啦俾把刀仔你呀？」

卓龍跟南兄一人一句，我看著被嚇得昏倒了的中五學生，突然明白他們的計劃，說：

「佢俾你哋嚇暈咗喇……我都差啲俾你哋嚇死……」

看著眼前的中五男生一面淚水及鼻水，褲子也濕透了什麼，真難看。

「好彩南兄明白二十七計啫，如果唔係都唔知點算……」





卓龍呼了口氣，按著鼻子，他真的受了傷痛。

「你都夠膽死㗎喇，學人扮癲……咁宜家點收科呀？」

南兄也呼了口氣，一同坐在地上。我看著中五生濕透了的褲子，想著說：

「咁佢衫褲濕晒，無理由仲要佢著住㗎？」

我對二人打了個眼神，二人也馬上想到。說：

「掉晒去女生天台！」

「拿拿拿……佢條褲我唔負責！我只會掉佢對鞋！」

南兄馬上走到中五生的腳邊。





「嘩……我都唔想除佢條褲囉……」

我也同樣抱怨。可是卓龍想了一想，嘆了口氣，說：

「都係算啦，真係掉咗過去，可能會嚇親班女仔，有唔好印象就麻煩喇！都係Call Man Sir上嚟執手尾，如實同佢講咩事啦……」

他點點頭，向女生天台及反方向展示出勝利的手勢。這時我看到沒有建築物的那邊，在圍欄外的自拍棍在搖晃，是阿鼎在中六生樓層的廁所中，將自拍棍伸出窗外，延長至天台，真的辛苦了他一直維持這個高難度動作。而另一邊女生的天台，發現除了佩君之外，還有一位女生站著……是Vinci。

「點解Vinci會喺度嘅？」

南兄也說道：

「係喎……好彩頭先卓龍無俾人除晒啲衫啫……」





Man Sir來到後，從各方面的證明下，我們三人都是受害者。於是迅速作出決定處罰這班中五的同學，但奇怪的是，Man Sir希望我們不要再提起此事，要息事寧人。我們也答應了，不在公開場合下再提起此事……

(待續)