《DSE幻想校園(一)》── 從這裡開始 (Do Something Easy): 第二節：從宿生長開始 5.2

「……大家唔好咁嬲住，我都係想件事好嘅，要我答應你哋嘅要求有幾難？不過真係好似行唔通。你哋幻想下，好似沖涼咁，保安會巡樓㗎嘛，你諗下我哋成班中四喺上半節沖涼時間喺晒房，你唔會覺得好奇怪咩？仲有仲有……食飯讓位係敬老嘅表現，我都覺得無問題，但你真係擔心無位坐嘅不如轉外賣返房食喇？又唔使同我哋迫又有自己空間……另外最難搞嘅就係最後嗰樣，我哋唔知你哋幾時犯事、又唔知你衰啲咩，我哋邊有可能即刻認罪自首？當然，事後先自首都係解決嘅方法，但呢一方面我哋要有好好嘅默契先處理到，咁我哋都應該要搞返次Teambuilding先……跟住……死啦！都唔係好記得你講過啲咩添……」

我還在思考的同時，他突然抓著我的頭髮，將我拉到近出口的牆邊，盛怒罵道：

「你把口真係好臭……仲臭過廁所啲屎水……信唔信我宜家就叫人整篤尿俾你哴哴口？」

在被拉扯的同時，還被兩三個男生按住，不時掌摑、不時拳打身體，身上的痛楚令我漸漸無法思考，超人與南兄也被拉到一旁，警告著不能插手。我們都似乎在極權的暴力下無法反抗，莫非真的要以暴易暴？

「醒未呀？下？串呀喇！」





我一直勉強聽到他重重覆覆的說話，雖然知道自己沒有生命危險，但被凌辱的感覺一點也不好受，皮膚與肌肉的痛，也不及被他們任意玩弄自己的身體，有如被侵犯一樣，我無法自控。

「喂！除晒佢啲衫褲，底褲都唔好留，之後掉過去女生宿舍天台，睇佢點攞返！仲要影佢相添！你兩個夠膽出手我就玩埋你兩個！乖乖地喺度食花生！」

南兄與超人不敢反抗，我也只是躺在地上，凝望著天空，明明是一個睛朗的早上，為什麼會被一副副猙獰的面孔遮掩了？彷彿世界上都只剩下惡鬼……

(待續)

如想直接看完整個第一冊(一共四節)的故事，可到香港各大書店向職員查詢有關《DSE幻想校園》(一)，
或是到網上訂購：Pena Shore 。





有關第二冊的出版消息，可到作品專頁留意。(如無意外會在2019年底出版)