[那年微訊的他] 一個差點/已經 戀上人夫的故事: 1. 謊言之前
根據個人喜好呢個可以係一個真人真事/ 假人真事 /真人假事/ 假人假事 嘅故事
真真假假無謂印證 因為呢段關係一開始就係由大量謊言同甜言蜜語編織已成。
利申: 中文只有中二程度, 絲打
我係一個留學生, 係外國小鎮生活左6年個小鎮無乜香港人。
所以每一年暑假我為左"解渴" 都會搵個 "summer love" 去彌補心靈空虛。
但我嘅戀愛經驗只限於女性, 我從來未嘗試過同男性交往。 (我係女校長大性取向自然會比正常人多幾個方向)
呢一年我決定挑戰自我為自己搵一個男性暑假伴侶。
當時微信非常流行而且有"附近的人"功能非常就手，所以我決定選用呢個走在潮流尖端嘅方法去找尋我嘅summer love。
我用咗一張美圖秀秀頭像(美白磨皮去黑眼圈去班) 同改左一個好random嘅名: blahblah
一打開"附近的人" 嘩!!!!!!!!!!!!! 新大陸!!!!!!!!!!!! 男男女女mk毒L人妻人夫基金妹基金佬咩都有 太神奇!!!!!太震撼喇!!!!!!!!!!!!
而作為一個"吊高嚟賣" 嘅女仔我當然實行願者上釣策略, 而且我對自己美圖秀秀頭像充滿自信。果然不出我所料, 短短10分鐘已經有幾條魚上釣。我係呢方面經驗尚淺 無啲娘娘們咁勁可以一釣幾十仲可以邊派軍糧邊high tea。所以我選擇咗其中2個樣貌不俗嘅男性 ,其他放生。
A魚叫阿晞; B魚叫柱男
首先講一下同阿晞的對話。雖然我都唔知有乜好講, 都係查家宅咁傾計。
晞: hello 做個friend?
我: 好 (:
晞: 點叫你好呀?你真係叫blahblah?
我: 叫我Jenny啦.
晞: 你今年幾歲? 我2x.
我: 今年19晞: 讀大學? 定已經出嚟做嘢?
我: 係外國讀 暑假返香港3個月左右
晞: 咁你咪成日去party?
我: 我唔party唔煙唔酒唔掂毒品 因為我對酒精過敏.
之後我們傾有關工作,旅行,唱k...etc. 請自行FF.
另一方面我同柱男嘅對話亦進行中.
柱: hello pretty girl.
我: hello handsome boy.
柱: 你講嘢都好甜喎.
我: 食得糖多自然講嘢甜 你都唔差呀 (: (既然要flirt我實奉陪到底)
柱: 你叫咩名?
我: 你要中定英?
柱: 我鍾意叫中文名多啲.
我: 我叫樂婷.
柱: 下? 你真係叫樂婷?
我: 係呀 呃你有獎咩?!
柱: 我識有個人都叫樂婷, 不過係"洛婷". 叫你婷婷可以?
我: 咁橋? ..唔好啦我最憎人叫我婷婷聽落好核突.
柱: 我覺得好好聽 婷婷玉立嘛好櫬你。
我: 乜唔係亭亭玉立咩?
柱: 好似係hahaha
我: 你係機場返工?
柱: 你點知嫁?
我: 你個 what's up個欄有寫嘛。
柱: 係呀 我依家就係搭緊車去返工, 今日夜班呀。
我: 哦 咁咪好辛苦?
之後對話又再請大家 FF 話題不外乎: 學校,功課,興趣,音樂...
2個對話維持大概有一個鐘我就頂唔順訓著咗, 始終我都係無啲娘娘功力咁深厚可以打埋夜戰。
第二朝一起身就已經有十幾個訊息 當時我嚇左一跳 只係朝早9點就有人起身搵我?一打開我就見到阿晞同柱男send俾我嘅訊息. 阿晞佔1個, 柱男佔10個以上
阿晞嘅訊息只係一句: 起身未?
我回覆: 起咗
但係柱男完全好似一個無安全感嘅小朋友; 佢每隔半個鐘至一個鐘就會send訊息俾我
你暑假有咩做? 平時無乜女仔會肯同我傾咁耐嫁! 你起身未?我想同你傾計. 你係咪起咗身但唔想覆我? 我係咪好煩?你唔覆都不斷搵你. 對唔住呀我咁煩...etc.
阿晞我估佢都係想扮下cool扮下唔著緊 呢方面我比較識得去應付
至於柱男嘅熱切訊息令我笑咗出嚟因為我未試過有一個人會咁緊張我嘅存在 而佢係第一個.或者因為我已經係外國自己生活左6年 連屋企人都唔會對我嘅事過問, 所以當我見到柱男咁著緊我 我真係有啲開心。
有人會話佢實係變態 邊個會對一位認識只有2個鐘嘅女仔咁瘋狂?
但我個一刻覺得佢好可愛因為佢有講出自己心入面個句而唔係想扮型扮無所謂。
我寧願同一個願意對我真誠而唔係玩咩"兵捉賊"遊戲嘅男仔繼續傾落去。
我: 我今日去醫院做義工啊 你放工?
柱: 嚇死我, 我以為你唔會再搵我。我放咗工喇見到你回覆我就安心去訓教。
我: 咁晚安 啊!應該係早安!
柱: 早安 (:
之後個幾日我繼續不斷咁同佢地2個對話。 當然訊息比例永遠都係柱男大大優勝。佢永遠都會好快回覆同主動搵我, 至於阿晞佢只會係夜深人靜之時先搵我吹下水。
網上識人最大嘅一個挑戰就係出街。 係微信上你可以講到自己會飛天遁地, 有高登仔標準身高, 大隻佬嘅身材, 金城武嘅樣貌, 林俊傑嘅才華, "E.T都"嘅超能力, 同埋誠誠嘅身家。 但醜婦終需見家翁, 一見真人所有幻想即時破滅。 好心少少嘅人會同你食一餐飯先慢慢地斷絕來往; 接受能力低嘅人會即時另轉身以9秒9速度消失係你眼前。所以我係度奉勸大家唔好再用美圖秀秀自欺欺人喇 ! (雖然我都有用...) 人地見到你時嚇到O嘴 你又因為人地唔理你而心靈受創，何苦呢? 大家都唔係型棍黃曉明; 亦唔係整左容嘅安祖娜寶貝，唔好FF喇傻豬!
同時間2位人士亦不斷邀約我去食個飯或者唱個K。我最後答應左柱男去佢屋企附近一齊食晚餐, 因為我覺得佢好似比較真誠, 至少我知道佢會著緊我 願意每日同我不斷廢up。
係高登我都見過好多post講用微訊食女, 有鑒於此我同2位都有講過本人係唔接受婚前性行為。唔好因為我係外國讀書就覺得我由內到外都係開放俾人。我唔介意人地唔係處, 但我只係想潔身自愛唔想令自己第日後悔將個處亂咁俾咗一條我連名都唔記得嘅蛋散。如果想睇甜故, 不如你直接上thisav睇真人演繹唔好再浪費時間!
第一次約會當晚我上身著住ABC公認品牌hollishiter同一條黑色長裙, 腰位加咗條啡色belt去遮掩我係外國瘋狂飲食嘅肚腩。我事前已經同家人講左同朋友出去食飯所以佢地無任何問題。
而謊言就係由呢一晚開始。