十六歲但非處子身嘅女孩: 9.2 自相矛盾

我覺得自己好陌生，我覺得我成個人都變咗
之前嘅我係有嗰句講嗰句，好直腸直肚嘅人，但而家嘅我所有事都會收收埋埋，我嘅感情關係比一般嘅中五學生複雜
每個女仔都羨慕我有一個高大又溫柔體貼嘅男朋友，喺眾人嘅心目中，Rick 係一個模範男友
然而我係一個最差嘅女人

見一日過一日，瞞得一日又瞞一日，話咁快已經到DSE 開考嘅日子，呀Rick 進入作戰狀態
佢覆我message 嘅頻率明顯比之前慢好多，可能一日都只係覆我一兩句
喺Study break 呢段時間佢日日都同呀源一齊去自修室溫書，佢見呀源嘅時間仲多過見我

而我每日都好珍惜剩下來嘅讀書光陰，2019年好快就到，仲有一年就到我面對命運，個個都意識到現實嘅殘酷，喺大家發奮讀書嘅同時，亦都更努力燃燒餘下中學年間嘅青春汗水



我內心住咗一隻天使同一隻魔鬼，佢地每日都喺我腦海裡互相對鬧，冇日安寧
天使就話「Anki，你唔可以再同Cyrus 有任何聯絡啦，你承諾過要一心一意對Rick㗎，你仲記唔記得你生日時許過咩願？你話你要同Rick 開開心心一齊，永遠都唔分開」
魔鬼就即刻反擊「你又鐘意Cyrus 又鐘意Rick 咪兩個都繼續囉，而家係你跟隨你自己嘅意願，人係貪心㗎啦，你冇錯喎」

佢地嘅辯論內容都離不開Cyrus 同Rick，返學上堂都只係混混噩噩咁過
今日返學見到智儀，佢對眼都係腫曬，好明顯琴晚又喊到收唔到聲
一向名列前矛嘅佢竟然今日喺bio test 到失手，見住佢成個人都頹曬，成績又明顯退步，作為朋友，我都覺得好心酸

「智儀你點樣呀？」除咗慰問之外，我都唔知我可以做到d 乜野貢獻


「冇，依然都係咁頹，我仲俾呢件事影響到我d 成績，我就係冇用」佢扒咗喺枱到嗚咽
「冇咗咪搵過第二個囉，再唔係就疊埋心水，考完DSE 再算啦，冇謂俾佢一個人而影響你咁多」智儀佢品學兼優，如果因為一個衰人而令佢放棄自我，實在太唔值得
「Anki，你真係好，你永遠都係最明白事理嗰個」智儀企起身，攬住我

我只係講咗兩句安慰人嘅說話，其實唔算係咩功勞，不過喺失戀呢個時候，就係最需要有人支持佢
天使又同我講「你睇下，如果俾Rick 知道你一腳搭兩船，佢都會好似智儀咁傷心，你捨得咁樣對佢咩？」
魔鬼又有令一套說法「問心嗰句，你捨得同Rick 或者Cyrus 是但一個分開咩？如果要分開，到頭來傷心嘅會係自己又會係Rick，唔抵喎」

我都唔清楚我同Cyrus 而家之間嘅係咩關係
我地會傾電話同傾心事，床又上過，有機會仲會過去對方屋企，但係我同佢嘅關係冇可能係男女朋友咁


可能而家只係稱得上係sp ，除咗同佢上床之外，我搵佢都別冇他意
你問我掛住Cyrus d 咩？我諗可能只係掛住同佢上床嘅一刻，正確d 黎講係床上嘅快感
明知到Cyrus 對我嘅意思係唔止性咁簡單，可能仲有愛同情

為咗解決相方嘅生理需要，我唔介意再去佢屋企做多次
而令一邊廂，我覺得自己真係好不知廉恥，好淫賤，但奈何呢個就係我嘅慾望，有時我都控制唔到自己咁犯賤
有時性呢樣野，我當初未試過都冇諗過會咁強烈，而Cyrus 就係一個觸發點

近排返學見到Cyrus 我都有種尷尬嘅感覺，每次一見到佢，我就諗起我地喺床上嘅時光
每次我都會有同樣幻想，我見到佢嘅時候，嘴角都會微微向上翹，係一種淫盪嘅表情
我地平時返學嗰陣，都唔會有任何交流，我地會扮唔作唔相熟，唔想引起人懷疑，唔可以俾人知道我地呢種關係

魔鬼又同我講咗句「既然你咁有渴求，今晚就打俾佢啦，問佢幾時得閒，你地再黎多一次囉」
再黎過？其實我都好想，不過Cyrus 對我嘅情唔止係性，而可能係愛上面，如果我同Cyrus 再做多次嘅話，我驚我自己都會搭沉船
「你唔可以咁做㗎，你話過你要一心一意對Rick，你唔可以一錯再錯，你反而要好好咁反省自己嘅唔啱」天使即刻跳出黎


一心一意？我真係做到咩？我已經做唔到