十六歲但非處子身嘅女孩: 8.1 自責、內疚、悔意
我親手幫呀Rick 戴咗頂綠帽，由頭戴到落腳，我知道我今日所做嘅所有事都好不知所謂，好冇道德
其實我真係好自私，我明知自己鐘意呀Rick ，但就因為我發現咗佢有野瞞住我就要報復又對佢失去信心，仲cheap 到利用明知鐘意自己嘅ex 去扑野發洩，簡直係臭雞
我以後仲可以點樣面對佢地兩個？唔通我要同Rick 攤牌？但係我真係唔想冇咗個對我咁好嘅男朋友，我好貪心，好賤
我由Cyrus 屋企搭車返到屋企樓下，行入搭𨋢大堂，咁啱又見到嗰對新婚夫婦，佢地依然都好似我上次見到佢地咁恩愛
而今次就見男嘅就著西裝，女嘅就著裙，拖住手咁行出𨋢，我從旁偷聽佢地嘅對話
「今日我地結婚一周年，我帶你去一個好特別嘅地方」個男嘅對住佢嘅靚女老婆講
「有你喺我身邊，我真係覺得好幸福，我覺得我係最幸福嘅女仔」佢老婆面上掛住一個甜美嘅笑容，佢地真係好登對，好sweet
我覺得有呀Rick 喺我身邊，我都係最幸福嘅女仔，不過我係冇資格做佢身邊最幸福嘅女仔，我唔配
Rick 佢係一個好男仔，佢溫柔、細心、體貼，係所有女仔都想要嘅理想男友，每次我同佢一齊返學嗰陣，都會惹起好多人嘅注視，好多師妹都好妒忌我
我普通平庸，復仇心重又低能白痴，仲要不知廉恥俾綠帽佢戴，我好罪過，我良心受到責備
我返到屋企之後打咗個電話俾「Rick Rick 豬」
「喂，我返到屋企啦，你而家做緊咩呀？」我問佢
「仲有兩個月就DSE 啦，我要把握時間溫書，之後放假嘅時間都要溫書，可能會少咗時間陪你㗎」就算佢溫緊書都好，佢都放下手頭上嘅筆同notes ，聽咗我打俾佢嘅電話先
「呀Rick ，我有d 好重要嘅事要同你講」我語重心長咁講
「係咩？我都有樣好重要嘅事想同你講喎」聽得出佢喺到偷笑
「我好認真㗎，我而家唔係講笑㗎」我把聲帶住任性嘅態度
「得啦得啦，我聽日同你講啦，我繼續溫書，bye bye」
「喂？喂？」我對住個已經cut線嘅對話講野，呀Rick 佢講完之後就cut 咗線
我將部電話放喺書枱上面差電，然後躺喺床上面，望住天花版沉思
我俾妒忌沖昏咗頭腦，我唔抵得Rick 佢18 歲就已經唔係處，但我竟然做出一d 對唔住佢嘅事黎報復
不過我冇後悔過俾咗我嘅第一次Cyrus，我知道呢次係我嘅真心附出
但係我絕對冇辦法瞞住自己嘅良心，就算明知我講出口就會失去佢，我都唔可以違背自己嘅良心
第二朝，Rick 佢到咗我屋企留下，接我一齊返學
「你又話有野要同我講嘅？」我問佢，我想以最後一個女朋友嘅身份聽埋佢講最後嘅心事
「我派咗predict 啦，陳sir 話我如果考DSE都有考mock 咁好表現嘅話，我起碼有22 分呀」佢開心到成日彈起「咁你有咩同我講呀？有咩好消息？」
我唔捨得破壞佢今日嘅好心情，我唔想而家同佢攤牌講分手，影響佢考DSE
「冇野啦，我唔記得咗我想講咩」我扮冇事，只係想逃避Rick 嘅眼神
「做咩啫？你快d 講啦」佢個樣好心急，但我都係唔同佢講，至少唔係而家
「綠燈啦，快d 過馬路」我指一指對面馬路嘅綠燈，冇視佢問我嘅問題
返到上6 樓，我坐返埋我個房扒喺枱上面
「做咩咁頹呀？又同Rick 鬧交？」Ceci 行過黎問我
「唔係呀，只係個人有d 攰啫，緊排成日有好多野煩惱，諗野諗到攰」我托住個頭向上望住Ceci 同佢傾計
「你有咩煩惱呀？講出黎等我幫你分擔下？」Ceci 佢好善解人意，我知道佢係出於好心咁想聽我講野，但係我唔可以將我出軌嘅事同任何人講，佢地個個都會話我臭雞，又會憎我覺得我冇品，我唔可以將呢樣野同人講，就算係最friend 嘅Ceci 同Mika 都唔得
「唔洗啦，我自己解決到㗎啦，多謝你關心」我拍一拍Mika 膀頭，感激佢對我嘅支持，我唔同得人講，搵唔到聆聽者都係我自己抵死，都係我咎由自取
有人打開班房嘅房門，行入黎嗰個就係Cyrus
佢喺門口遠處就已經留意到我對佢嘅注視，我地四目雙投，之後我率先迴避
我同佢就算琴日發生過咩事都好，我地都講好咗會好似平時咁當大家係普通同學，唔會喺學校提起呢件事
Cyrus 行埋佢後面嘅座位，好平常咁做自己野
相反我就成個人頹曬，淨係伏咗喺到乜都唔做，緊係啦，佢都冇女朋友，佢都唔洗擔心攤唔攤牌嘅事
我拖住疲倦嘅身軀行去locker 到攞陣間上通識堂嘅通識書，我推開課室度門，跌跌撞撞咁行到去locker 邊
「Anki 」突然之間後方有一把聲音呼叫我，我拎轉，原來係Cyrus
「你係咪煩緊呀Rick 單野？」Cyrus 佢慢慢走近過黎
「係......我都唔想再亂諗野，但係我而家更唔識面對Rick ，我覺得我好衰......我唔知........」我拎轉身面向locker，我亦都唔識面對Cyrus
「其實我都有唔啱，我初初唔應該應承你，我應該提醒你」Cyrus 再踏步靠近
「對唔住，我覺得我地唔應該再見面同講野」我講完呢句就轉身離開
「咪住先.....Anki...... 」就算Cyrus 佢點叫我都好，我都頭也不回咁離開
「你有咩唔開心都同我講啦，我只係想喺你身邊守護你」我一路行Cyrus 一路講，而我都夠鐘返入去上堂