十六歲但非處子身嘅女孩: 4.1 共同朋友圈
每個星期四放學，我地學生會都會留喺學校開會，而我地近排忙緊搞嘅活動就係一年一度嘅BBQ 日
「不如我地帶班學生近近地去大帽山燒野食啦，我地book 架旅遊巴去，好近啫」一個叫Oscar 嘅成員提議
「好似唔係太好，大帽山範圍太廣，我地會分散曬唔同班、唔同級嘅人，到時睇唔曬佢地，好麻煩㗎」Ceci 反對Oscar 嘅建議
「我想大家有個地方可以坐低BBQ 又聯誼下，有時間嘅話仲可以玩下d 班際集體遊戲，大家可以開心下都好呀」我向大家提議
其實呢個建議都幾廢下，因為學校叫我地搞BBQ 日嘅原因都係想d 學生輕鬆下，唔好擺太大壓力喺讀書到，我講得咁保守其實因為驚俾人band
「我讚成Anki 嘅講法，我地可以搵個camp site有得燒野食之餘又有地方可以俾大家四圍玩，如果夠時間仲可以俾佢地自由時間添」呀源佢和議我嘅講法
冇諗過講廢話大家都幾buy 㗎喎
於是我地就上網搵資料同打電話查詢，最後決定去西貢戶外康樂中心
通告上寫明要所有學生都喺10 點前返到學校操場集合，但每次都我地級嘅四子都總係會約埋一齊遲到，所以每次我地成班人一齊去玩都會特登約早佢地半個鐘，但今次就要全校等佢地幾個
「呀豪，你地去到邊？」我Wts 呀豪，因為呀豪係佢地四個裡面最正常果個，仲要係我地級嘅學霸，不過都唔知點解佢會同呢幾個智障咁fd
過咗半個鐘之後佢地終於蒲頭，大家可以上車走人
我地book 咗7架旅遊巴，分返每一級一架再加埋d 老師都夠坐，大概一個鐘嘅時間我地就到咗
西貢戶外康樂中心真係好大，我地由停車場落車，隔離就已經係滾軸溜冰場，再行多兩步就見到泳池同籃球場，之後我地轉右行到最入，就見到我地嘅燒烤場
「麻煩每班都派三個代表出黎拎野」Ceci 企喺張櫈到用平時上堂教書d Miss好鐘意用果d 咪咆𠱼，好彩大家都好聽話，唔洗再重覆多次都識出黎拎野
由於我地學生會要照顧同睇實其他學生，所以我地就坐埋一齊，冇得分班坐，不過坐埋一齊都幾好嘅，起碼我同呀Rick 有得一齊燒野食
燒烤場同馬路用一排高樹作分隔，而我地個爐位就喺右手邊最遠果個，女嘅就幫手透爐而男嘅就幫手攞燒烤包同炭
我就坐喺Rick 嘅隔黎，樂也融融咁燒野食。不過真正燒到只係燒咗半個鐘，靠喺個爐隔黎真係會熱到溶，就算而家秋高氣爽又點，冇把風扇仔隨身都唔掂
「Anki，你做咩唔食野呀？」Rick 推一推我
「好熱呀，我等陣再燒啦，我想散下熱」我嘗試用徒手潑涼，其實都係乜風都冇，不過大汗揼細汗，又成身痴笠笠
「咁不如我燒俾你啦，你行開下先啦好冇？」呀Rick 真係體貼，講真我真係好肚餓但係又熱到唔想燒喎
「唔好啦，咁咪搞到你冇得食囉，我陣間返黎自己燒得㗎啦」女人從來都係口不對心
「唔緊要，而家自由時間，你去搵你班fd 玩住先，之後就食得㗎啦，唔洗理我㗎啦」
「咁好啦，我會好快返黎搵你」我對住Rick 笑得好燦爛，有Rick 呢個廿四孝男友我真係好好彩
於是搵埋上次一齊去party room 果九條友一齊去玩，五個女仔加埋四子一齊去玩
其實我同四子由中二識到而家，當中我同Cyrus 拍過拖一年之後散咗，但係由於我地有共同朋友圈又同班，所以好多場合都要碰口碰面。初期我都覺得成件事好難面對，原本中二果陣大家開始約埋一齊去海洋公園，去AIA 到玩，到後來我地拍拖都會繼續同呢班人一齊玩
-
「救命呀，又係呢對痴男怨女，次次約一班人出黎咪又係睇佢地兩個放閃」Kenneth 同 Ivan呻
「佢地每次一出現，都會顯得我地呢班單身狗特別可憐 」就連Ceci 都喺到笑我
我同Cyrus 手拖手一齊行去荃灣站，離遠已經見到佢地一班人已經到曬，除咗呀豪
「你地又up 乜鳩呀 ，想拍拖咪溝返條女囉，我同Anki 一齊好幸福㗎」Cyrus 提高我同佢十指緊扣嘅手，個樣好囂張，好似對眼生喺頭頂咁，而我就甜笑咐和佢
「你唔好搶咗我嘅Anki 呀！」Reese 繞住我令一隻手唔放
「咁我都可以免為其難，分少少Anki 俾你嘅，但其餘嘅都係我㗎啦」Cyrus meet 一下我個鼻，對Reese 講笑咁講
終於等到遲到大王呀豪黎到，我地又等咗半個鐘，而家齊人可以出發去海洋公園
我地一行九人由Ceci 同智儀負責攞住地圖帶大家行，而我同Cyrus 都勁心急想搭纜車上山玩曬d 機動遊戲先
啱啱好我地九個人霸到一架纜車，唔洗同其他人搭枱，Kenneth 同Mika 都好百厭咁搖架車，係到走黎走去冇時停，而Ivan 就喺到播歌，大家吹下水笑下玩下
「你地睇下，個海好靚呀」Reese 打開個窗指住出面嘅海
透過陽光嘅折射將原本天藍色嘅海洋染上淺淺嘅金色，閃閃發亮就好似有一小顆一小顆耀眼嘅碎石鋪喺海上
一落車，我地就即刻狗衝去翻天覆地果到排隊，Reese 、智儀、Ceci 同Kenneth 呢幾個淆底獸就唔玩
「有冇搞錯呀Kenneth，人地女仔就話驚就唔玩啫，你男人老狗驚咩呀？」我喺到寸Kenneth，平時佢都笑得我同Cyrus 多，你都有今日啦！
「咪係囉成個女人咁，婆婆媽媽，最多而家俾你插我隊入黎啦，一齊啦，怕咩喎」Cyrus 都咐和我
「你地兩個真係好煩，成日都一唱一和，我死都唔會玩㗎啦」講完之後Kenneth 就行返去Reese 佢地果邊
快樂嘅時光過得特別快，又係時候講bye bye，我地喺海洋公園到玩咗一日，人又曬黑咗，又行到腳軟冇力，返到荃灣之後，我地成班人就各散東西
「喂 Cyrus，你陣間去邊？」我問一問我隔離嘅Cyrus
「陣間同呀豪兩個人去食飯囉，做咩事？」
「我要返去同屋企人食飯呀，唔知有冇人會送我返屋企呢？」我笑笑口咁問佢
「吓，唔好啦，咁咪要呀豪等，你自己返去啦，我唔想要人等我送你返去呀，下次啦」Cyrus皺眉
「但係我地一齊咁耐，你都冇送過我一次返屋企喎，次次都話下次，再唔係就要我送你返屋企唔係你送我，我都係想你送我一次啫？好難咩？今次就係約咗呀豪，下次又話點點點唔得閒」
「你可唔可以唔好冇啦啦發脾氣？唔好扭計得唔得？你真係好煩！」Cyrus 個樣好認真亦都開始唔耐煩
「是但你啦，我自己走」
每次約一班人出去玩一日，Cyrus 都鐘意同四子一齊食埋夜晚，或者我地成班食完飯再同呀豪一齊返屋企，冇一次理過我嘅感受。同一個朋友圈出黎玩，點解佢每次都以其他人行先？