《香港傭兵》: [Day 22－現在未來] PART 17
我同綽姿半蹲喺地上...
身後被精神砲直接擊中嘅地面飄散住極大量紅色粒子...
雖然頭先嘅攻擊極強大...之但係地面冇穿冇爛...
睇嚟地面...甚至牆壁同天花嘅防禦力都極高...
即係話萬一覺得唔夠打...都唔可以破牆而出...
再望返CNA000試作型...支精神砲嘅裂甲合返埋...收返喺背脊...
另外嗰邊收起咗日本刀嘅銀色長方體...有唔少一支支紅光線喺面層流動...閃爍...閃爍...
係...充緊電？
一套同時擁有極高防禦力...近戰同遠戰武器嘅穿著式裝甲...係萬能型？
解放軍整啲咁嘅裝備嚟做乜？
真係用嚟打仗吖？
CNA000試作型突然以忍步跑嚟我面前...
我立即企返起身...擺出防禦姿勢...
CNA000試作型右邊背後支銀色長方體舉起...頂端向住我嘅方向一指...伸出黑色嘅刀柄嘅同時...佢一手拔出日本刀順勢向我砍一刀...
我立即用精神刀一擋...再擋...
“嗡！吱！嗡！吱！”擋完兩刀之後...CNA000試作型立即收返埋把日本刀...再順勢踢我一腳...
我一避開...綽姿立即補位...向住CNA000試作型使出一閃...
CNA000試作型一個轉身360踢向綽姿手上嘅紅光刀刃...
“嗡！吱！”綽姿被CNA000試作型嘅絕對領域踢到後退兩步...
我立即補位...一斬...再斬...
“嗡！嗡！”CNA000試作型巧妙咁避開...
動作快咗...而且...招式好似...唔同咗...
CNA000試作型再避多我兩刀...轉身踢我兩腳...
我避開CNA000試作型兩腳之後...佢右邊背後支銀色長方體舉起...頂端向住我嘅方向一指...伸出黑色嘅刀柄嘅同時...一手拔出日本刀順勢向我砍一刀...
“嗡！吱！”我立即以雙手舉起刀柄...刀背緊貼手臂...以刃引之形化解咗CNA000試作型嘅順勢砍...
當實體刀刃沿住紅光刀刃向斜下滑落...我快速揮刀一斬...斬向CNA000試作型肩膀...
“嗡！吱！”CNA000試作型肩膀上嘅絕對領域擋住我把紅光刀刃...
紅光刀刃與絕對領域之間擦出大量紅色粒子...
綽姿趁機向CNA000試作型揮兩刀...
“嗡！嗡！”CNA000試作型巧妙避開...
我就再貼近CNA000試作型肩膀橫斬直砍...
“嗡！吱！嗡！”CNA000試作型用刀擋完再避...避完再斬向綽姿...
“吱！嗡！”綽姿擋完一刀再回返一刀直砍俾CNA000試作型...
“吱！！！”CNA000試作型雙手舉起刀柄...刀背緊貼手臂...以刃引之形化解咗綽姿直砍...“嗡！”再向我揮刀一砍...
“吱！！！”我立即雙手舉起刀柄...刀背緊貼手臂...以刃引之形化解咗CNA000試作型嘅一砍...“嗡！”再向佢肩膀砍一刀...
CNA000試作型立即向後退兩步...“嗡嗡！”綽姿立即追上前揮兩刀...
CNA000試作型立即迴避...再向綽姿踢兩腳...
“吱！”綽姿用紅光刀刃一擋...我就立即貼近CNA000試作型...“嗡！”兜頭砍佢一刀...
“吱！！！”CNA000試作型舉起手臂一擋...絕對領域與紅光刀刃擦出大量紅色粒子...
“嗡嗡！吱！嗡！吱！！嗡嗡嗡！嗡！吱！”
你攻我守...我斬你擋...反斬再擋再反砍...
我同綽姿夾擊CNA000試作型...互有攻守...
而我總係覺得...有啲唔同...CNA000試作型一路都有唔同...
不論係動作...進攻同防守模式...都有好多嘅變化...
係一直測試緊？定係學習緊？
好難判斷...好難分析...
之但係...測試又好...學習又好...應該都係關裡面嗰個人事...
因為裡面嗰個人...先係控制套穿著式裝甲...
假如係測試緊唔同模式...都要裡面嗰個人識得施展晒所有模式...會唔會高難度咗啲？
如果係學習緊嘅話就直頭係骨格精奇...百年難得一見嘅武術奇才...
喺咁短時間...一瞬之間...又咁緊張嘅對戰之下...可以咁快學習到...仲要立即應用到...對應到...
冇可能...冇可能係咁...
如果係咁...呢套穿著式裝甲根本就係垃圾...完全冇量產嘅價值...
點解我會咁講？
好簡單姐...對使用者要求咁高先發揮到套穿著式裝甲嘅功能...有幾多人駕馭得到吖？
你估個個都係基魔揸西Free咩？二等兵揸GM咋...
所以並唔覺得係裡面嘅人本身就係咁犀利...
咁講法...唔通係...套穿著式裝甲本身係有輔助功能？
除咗被穿著者控制...仲會好似外掛咁...會自動出招？
唔係真係咁高科技吖化？
唔係...唔係...係都唔出奇...
要知道...我哋而家嘅戰鬥速度...唔係一般正常人可以跟得上...
我同綽姿都精神化緊...連子彈都接得住...一般正常人又點會跟得上我哋嘅速度？
CNA000試作型裡面嗰個人...唔似得我哋精神化咗...唔似得逆行者...唔似得異上生命體...半點精神能量都冇...就只有“生命”...
只係一個一般正常人...即係話...CNA000試作型...真係有好似外掛咁嘅AI輔助使用者？！
“嗡嗡！吱！嗡！吱！嗡嗡！吱！！！”繼續同綽姿喺被密封起嚟嘅大型貨倉同CNA000試作型戰鬥...
雖然優勢仲喺我哋二人呢邊...之但係...一路減弱...我同綽姿嘅優勢...正逐步減弱...
學習得好快...我嘅假設應該冇錯...以CNA000試作型嘅成長速度推斷...背後一定有強大嘅AI支持...
呢點其實都唔難推測...話晒而家呢度係2035年...未來嘅科技...
我反而覺得仲係比較落後...相對比我哋SPIRIT嚟講...
“嗡嗡！”CNA000試作型向後彈跳幾步...避開我嘅交叉斬之後...
CNA000試作型將把差唔多耗盡能量嘅日本刀...收返入背後嘅右邊銀色長方體...然後左邊銀色長方體由背後伸向腰間...同時好似裂甲咁變咗支...精神砲...
CNA000試作型紮穩馬步...左手手持精神砲...砲身嘅裂紋仲有多條紅光線好似流水咁流動...流動...流向砲口...
紮穩馬步嘅CNA000試作型將砲口對住我哋...對到正一正...
然後...
“吱！！！轟！！！”極刺眼嘅紅光巨柱就向住我哋直射埋嚟...
今次我同綽姿都有晒準備...一左一右咁側身避開...
極刺眼嘅紅光巨柱就喺我同綽姿之間...喺我哋嘅胸前擦過...
“吱！！！”大量嘅紅色粒子就喺紅光巨柱同我哋胸前擦出...飄出...
“轟隆！！！”精神砲直擊牆身後產生大爆炸...大量嘅紅色粒子喺空氣中飄散...
好強大嘅精神能量...支精神砲同頭先第一發嘅時候都係一樣...一樣咁強大...
之不過...有一點唔同...就牆身...
牆身嘅精神能量明顯減弱咗好多...
雖然...牆身嘅精神能量正在以極慢速度提升...但我可以感覺得到...同地板唔同...
頭先地板硬食一嘢...精神能量都冇乜點減弱過...但牆身就減弱咗唔少...
咁講法...即係話牆身同地板嘅精神能量供應量唔同？牆身比地板弱？
CNA000試作型支精神砲嘅裂甲合返埋...收返喺背脊...
另外嗰邊收起咗日本刀嘅銀色長方體...有唔少一支支紅光線喺面層流動...閃爍...閃爍...
我立即以迅雷不及掩耳嘅速度...以牙突嘅姿勢衝過CNA000試作型...向住佢胸口個閃住紅光嘅拳頭咁大嘅圓形物體刺埋去...
“吱！！！”CNA000試作型胸前立即展開絕對領域...
唔入...始終都係刺唔入...
CNA000試作型右邊背後支銀色長方體舉起...頂端向住我嘅方向一指...伸出黑色嘅刀柄嘅同時...佢一手拔出日本刀順勢向我砍一刀...
“嗡！吱！嗡嗡！吱！”我立即用精神刀一擋...再向佢揮兩刀後向後彈兩步...拉返開距離...
等我仲諗住可以刺得入...趁住佢射完精神砲...日本刀又叉緊電...諗住防禦力會減弱...
睇嚟就算武器差緊電...防禦力都唔會減弱...
真係好難搞...呢部CNA000試作型...
CNA000試作型以忍步極速向我接近...再以一閃向我展開攻擊...
“嗡！吱！”綽姿立即趕過嚟以精神刀刃幫我一擋...
“嗡！吱！”我立即向CNA000試作型腰間橫斬...但就俾佢嘅絕對領域擋住我把紅光刀刃...
綽姿一刀格開CNA000試作型把日本刀之後，再喺佢身上斬兩刀...
CNA000試作型身上嘅絕對領域擋咗綽姿兩刀之後，佢就向我兜頭直砍...
“嗡！吱！！！”我立即以雙手舉起刀柄...刀背緊貼手臂...以刃引之形化解CNA000試作型嘅兜頭直砍...
當實體刀刃沿住紅光刀刃向斜下滑落...都仲未去到一半...CNA000試作型就一腳踢向我度...
我立即向後彈兩步...拉返開距離...
CNA000試作型立即向綽姿揮兩刀...
“嗡嗡！吱！”綽姿避一刀再擋一刀後...向後彈兩步拉開距離...
CNA000試作型將把差唔多耗盡能量嘅日本刀...收返入背後嘅右邊銀色長方體...然後左邊支精神砲由背後伸向腰間...同時裂甲...
CNA000試作型紮穩馬步...左手手持精神砲...砲身嘅裂紋仲有多條紅光線好似流水咁流動...流動...流向砲口...砲口對住我...對到正一正...
“吱！！！轟！！！”極刺眼嘅紅光巨柱就向住我直射埋嚟...
我輕輕側一側身...避開...
極刺眼嘅紅光巨柱就喺我嘅胸前擦過...
“吱！！！”大量嘅紅色粒子就喺紅光巨柱同我胸前擦出...飄出...
“轟隆！！！”精神砲直擊牆身後產生大爆炸...大量嘅紅色粒子喺空氣中飄散...
一樣...啱啱擊中嘅呢一幅牆...同頭先嗰幅一樣...
消耗咗大量嘅精神能量...牆身嘅精神能量明顯減弱咗好多...仲緩慢咁增加...補充...
已經有兩幅牆被精神砲直接擊中...兩幅牆嘅精神能量被大量消耗...只係緩慢咁補充緊精神能量...防禦力仲未回復...仲係好薄弱...
仲有兩幅牆...仲有天花...