《香港傭兵》: [Day 22－現在未來] PART 16
偷到啲乜？又喺邊度偷？
呢頭先講完唔好1999...嗰頭又嚟個有頭冇尾...你叫人點估吖？
「哈！」屠總司令又冷冷一笑，「硬化技術最關鍵嘅...半點都唔喺我哋手...叫我哋點研究呀？！」
咁即係咩呢？一係你就唔好講，Skip晒啲對話直接開波！想講嘅話可唔可以講快啲呢？
屠總司令繼續講：「就連國安局班人都只係得抽取技術...」
國安局？抽取技術？抽取啲咩呢？
同解放軍一樣...抽取“黑球”嘅黑物質？
唔似...唔似係咁...
先唔好話西貢遺址只係得解放軍...半個國安局嘅人都唔見...解放軍同國安局都唔似係得到同一樣嘅技術...做同一樣嘅嘢...
佢哋兩邊...似係做緊啲同對方唔一樣...但又有啲相似...而且好有關連嘅嘢...
屠總司令點點頭：「不過佢哋嘅抽取技術...正正就同硬化技術有莫大關係！」
國安局嘅技術...會同解放軍所需嘅技術有...莫大關係？
屠總司令向左行兩步：「佢哋都幾好嘢吖...又真係俾佢哋研究出...導入技術！」
導入技術？
屠總司令向右行兩步：「將...精神導入！」
精神...導入？！
屠總司令企定定，點點頭：「不過你哋講得啱...呢種科技好危險...唔係非一般咁危險！」
好危險...片翼所講嘅...好危險...諗清楚輸唔輸得起...
「哈！」屠總司令冷冷一笑，「好彩有國安局班人做研究...我哋就去偷...嚴格嚟講唔係我哋...係你哋！」
唔係佢哋...係我哋...係指我哋SPIRIT？
屠總司令擰擰頭：「嚴格嚟講都唔係偷...應該係搶...你哋幫我哋搶返嚟！」
我哋SPIRIT...幫解放軍喺國安局手上搶咗...導入技術...係委託？！
成件事聽起上嚟好奇怪...
假如我哋SPIRIT真係唔想佢哋研究到啲乜...就唔會接到解放軍去搶國安局研究出嚟嘅技術...
既然都幫解放軍搶咗...又點解要破壞西貢遺址？
屠總司令露出奸險嘅笑容：「我就已經準備好...喺前晚之前...預咗你哋會破壞西貢遺址！」
唔通...唔通前晚破壞西貢遺址同今次破壞呢間工廠...都真係國安局委託嘅？！
係復仇...國安局對解放軍嘅復仇...
而我哋SPIRIT...只係純為利益...真係只係收錢做事？
屠總司令向左行兩步...擰擰頭：「點都好啦...原來硬化係需要導入...而仲俾我哋研究到...能量仲可以導入喺其他載體...存儲...好似電池咁...真係好神奇！」
硬化需要導入...能量可以導入喺其他載體...咩嘢載體？
載體...好似電池...
屠總司令向右行兩步...點點頭：「雖然真係好危險...就好似人類初初研發原子彈一樣...稍有不慎...帶嚟無法預計嘅災難...不過總算研發成功！」
無法預計嘅災難...
屠總司令再點點頭：「我就估到你哋會嚟...所以早就安排好呢個地方！」
早就估到...早就安排好...
屠總司令攤開雙手：「就等你哋同我哋自主研發嘅CNA000試作型做個實戰測試！」
眼前套穿著式裝甲中間個拳頭咁大嘅圓形物體隨即發出紅色光...沿住十幾條白線...向四肢及頭部流動…閃爍閃爍…似流水…似心跳...
當穿著式裝甲面罩中間個圓形都亮起刺眼紅光之後...
無數咁多紅色粒子就由穿著式裝甲爆出...
穿著式裝甲...CNA000試作型...用上精神能量嘅CNA000試作型穿著式裝甲...
不斷散發出...氣息...喺CNA000試作型身上...不斷散發出雜亂嘅氣息...
呢種雜亂嘅氣息...唔係喺CNA000試作型入面嘅人身上散發...
我仲感覺到...著住CNA000試作型嗰個人嘅“生命”...
唔係嗰個人發出...雜亂嘅精神能量...雜亂嘅氣息...同著住CNA000試作型嗰個人係分開...
雜亂嘅氣息係由件CNA000試作型散發出嚟...
綽姿頭先先講過...我哋SPIRIT係要用精神液注入身體...精神化後令長袍同精神刀發動精神能量...但而家...
而家好明顯...件CNA000試作型獨立散法出精神能量...
點會...點會咁...
點都好...終於都進入...戰鬥畫面...
屠總司令嘅立體影像帶住陰險嘅微笑...慢慢消失...CNA000試作型右邊背後支銀色長方體舉起...頂端向住我哋嘅方向一指...伸出黑色嘅...刀柄？
CNA000試作型隨即右手喺支銀色長方體拔出一把...日本刀...
“嗡！嗡！”我同綽姿亦同時亮出紅光刀刃...
敵不動...我不動...首先要觀察清楚對手嘅情況...
望清楚...CNA000試作型手上把日本刀...銀灰色...碳纖複合嘅刀身...有層薄薄嘅...薄薄一層紅色粒子...
我感覺到...刀身上嘅精神能量...一樣雜亂...
同我哋嘅精神刀唔同...係一把附上精神能量嘅...實體日本刀...
單憑感覺...雖然雜亂...但能量都好強...好大...
之不過...日本刀身上嘅精神能量除咗雜亂...仲好似一路減弱...微微減弱...
突然...CNA000試作型以忍步極速向我接近...
好快...估唔到...機器裝甲都可以好似精神化咗嘅我哋...可能比我哋嘅動作更快...
話咁快CNA000試作型就跑到嚟我面前...使出一閃...
目標竟然係我...
我以精神刀刃輕輕一擋...
“嗡！吱！！！”雖然能量都真係幾強...但總算俾我擋得住...
本來二對一已經對我哋好有利...而且...揀我做目標唔係好事...
因為...綽姿已經對準CNA000試作型腰間使出一閃...
以綽姿嘅刀術同精神能量...就算唔一刀兩斷...都必定重創...
就喺綽姿把紅光刀刃橫斬到CNA000試作型腰間之時...
“嗡！吱！！！”CNA000試作型腰間突然閃出...絕對領域？！
紅色嘅...六角形...好似絕對領域咁嘅力場擋住咗綽姿嘅一閃...
竟然...
日倫好似喺我耳邊講：「拖住佢！我想對佢進行調查！」
『了解。』拖住佢？睇嚟未必係我哋拖住佢...
我同綽姿同時用紅光刀刃用力一推...
“吱！！！”CNA000試作型飛開十幾米遠...
CNA000試作型一落地就擺出防禦姿勢...
使用精神能量嘅裝甲...能量仲大到可以產生出絕對領域...
我諗唔使專登拖...用盡全力打低佢都要花上唔少時間...
而勝負嘅關鍵...應該係邊個首先耗盡精神能量？
佢會唔會都係同我哋一樣...會有能量耗盡嘅一刻？
或者...應該會...
我唔知應該點講...點去詳細咁解釋...
我只可以話...喺CNA000試作型身上所感覺到嘅氣息...除咗雜亂...仲同我哋身上嘅有啲唔同...
喺CNA000試作型身上嘅精神能量...某個位置...特別強...超級強...但又一直輕微咁減弱緊...
嗰個位置...就係胸口...
CNA000試作型胸口中間...拳頭咁大...閃住紅光嘅圓形物體...
唔通嗰個就係能量嘅來源？
紅色嘅精神能量...由中間...沿住十幾條白線...向四肢及頭部流動…閃爍閃爍…供給能量...
或者真係...每一次閃爍...每一次流動...都感覺到精神能量跟住流動...
咁會唔會好似電池咁...只需要破壞嗰個位置...成套裝甲就會收皮？
突然...CNA000試作型向住我哋衝埋嚟...再次展開攻擊...
“嗡！嗡！吱！嗡嗡！吱！！！”CNA000試作型左斬右斬...左砍右砍...同時向我同綽姿亂刀攻擊...
我以紅光刀刃左擋一斬...綽姿右閃一砍...
好快...能量亦都好大...之但係...刀術...
解放軍...係軍人...係士兵...用刀？
“嗡嗡！吱！嗡！嗡！吱！吱！！！”短短幾秒之間嘅攻防...雖然CNA000試作型嘅速度快...能量大...之但係論刀術就真係麻麻...
相比起我遇過嘅逆行者...仲差好遠...
“嗡嗡！吱！嗡！吱！”我再擋開CNA000試作型兩刀...就一個牙突插向佢胸口...
“吱！！！”CNA000試作型胸口中間舊圓形物體前立即閃出絕對領域...
插唔入...就算真係弱點都好...防禦力都唔弱...
睇嚟真係...就算用盡全力...要打低佢都要用時間去消耗佢嘅精神能量...
究竟會係佢嘅精神能量耗盡先...定係我嘅精神能量耗盡先？
“嗡！吱！！！”綽姿一刀砍向CNA000試作型...CNA000試作型就一手捉住綽姿把紅光刀刃...
徒手都可以捉實精神刀刃...
“嗡！吱！！！”我再一刀橫斬落CNA000試作型條腰...絕對領域展開嘅同時...我再用力彈開佢...
CNA000試作型彈後幾步...我就乘勝追擊...
“嗡嗡！吱！嗡！嗡！吱！吱！！！”我一路追貼住CNA000試作型橫斬直砍抽刀向上斬再駁袈裟斬順勢轉身半月斬...
CNA000試作型用刀擋唔到幾多刀...身體多處部位都俾我斬中...以絕對領域擋住...
斬唔入...真係斬唔入...不過就算斬唔入都要照斬...一定可以耗到佢嘅精神能量...
“嗡！吱！嗡嗡！吱！嗡！吱！”我一路迫向CNA000試作型揮刀亂斬...佢就一路用刀勉強擋...
綽姿亦都加入戰團...向CNA000試作型一閃再一閃...
我就同綽姿一左一右咁夾擊CNA000試作型...
二對一...對我哋的確有利...而且仲要喺一個咁空曠嘅空間...
“嗡！吱！嗡嗡！嗡！吱！吱！！嗡！吱！”一左一右...我同綽姿合作無間咁左右夾擊CNA000試作型...
基本上...CNA000試作型就只有擋...擋...擋擋擋擋擋...並無空檔向我哋作出反擊...
而且...我仲感覺到...感覺到CNA000試作型手上把日本刀...精神能量越嚟越弱...越嚟越弱...
每擋一刀...不論係我或者綽姿一刀...CNA000試作型手上把日本刀嘅精神能量都減弱...減弱...再減弱...
睇嚟...係機會...只要再斬多幾多...CNA000試作型再用實體刀刃擋我哋精神刀刃...擋多幾刀...就會失去精神能量...話唔定就可以...斬斷...
當CNA000試作型手上把日本刀刀身嘅紅色粒子差唔多全部消失...我就抽刀向佢腰間一斬...
“嗡！吱！”CNA000試作型以刀刃一擋...順勢向後一飛...
當CNA000試作型飛到上半空之時...佢將日本刀收返入背後嘅右邊銀色長方體...然後左邊銀色長方體由背後伸向腰間...同時好似裂甲咁變咗支...電磁砲？
CNA000試作型仲喺半空中...左手手持“電磁砲”...砲身嘅“裂紋”仲有多條紅光線好似流水咁流動...流動...流向砲口...
喺半空中嘅CNA000試作型將砲口對住地面上嘅我哋...對到正一正...
然後...
“吱！！！轟！！！”極刺眼嘅紅光巨柱就向住我哋直射埋嚟...
好強...好強大嘅精神能量...
唔可以硬食...一定擋唔住...
我立即飛撲向綽姿...避開有如陽電子砲一樣嘅精神砲...
攬住綽姿喺地上碌咗兩個圈...
”轟隆！！！“背後傳嚟大爆炸聲連同爆風撲過嚟...
好強大嘅...精神能量...