《香港傭兵》: [Day 19－神秘工廠] PART 02
『咁...暴風雨又會係啲乜？』我好認真咁打量住綽姿...
等待綽姿講出一個驚人嘅答案...
「唔知。」綽姿邊食邊冷淡咁講。
『車...』真係好驚人囉...
「如果我知係乜就唔會話係暴風雨前夕啦。」綽姿食得再快啲，又飲得再急啲，「總之就係好唔尋常。」
好唔尋常...
雖然我一直都唔覺得有尋常過...之但係綽姿咁講得出口...會比起我嘅理解...更唔尋常...
我都係要做好心理準備會好啲...
「總之你今日就Mon實個委託板，一見到政府、解放軍甚至國安局有啲過200 Sil又喺夜晚八點過後執行嘅委託就接咗先。唔好理佢係唔係要殺人。」綽姿食清碟上嘅食物，再快快手手咁飲埋杯奶。
『哦。』接委託嘅重任就交俾我？
「我趕住返學喇...」綽姿抹埋個嘴仔再去著埋件褸，孭埋袋仔，「你幫我洗埋啲嘢啦。」
『哦～得啦～放心交俾我啦～』細妹趕住返學，哥哥幫手做家務都好應該～
「記得Mon住個委託板...一有啱嘅委託立即接。」綽姿著埋對婆仔鞋。
『嗯～返學小心喇～』我同綽姿揮揮手～
「嗯...你出去嘅話都要小心。」綽姿都背住我揮揮手。
『拜～』
「拜。」
目送住綽姿出門口之後...
放心啦～殺人嘅我就一定唔會接㗎喇～
至於話政府、解放軍甚至國安局嘅委託...
我就行去茶几拎起手機...打開SPIRIT App嘅委託板邊食早餐邊碌碌...
快速咁碌碌...委託都好似真係...唔多...
而且都好似綽姿頭先所講咁...都係得啲平價委託...個個都唔過10 Sil...
而且大多數都係由愛港愛國發出...都係針對黃傘...
邊個針對邊個都唔係問題啦～問題報酬真係太少喇～
而直接Search政府、解放軍或者國安局...係冇任何相關委託嘅...
真係冇...我今日全日唔係就係咁無聊咁F5個委託板吖化？！
就喺我諗諗都覺得無聊之時...電話一震！再震！
畫面同時顯示住“Today Coffee”！
係Today Coffee打嚟？
咁早打嚟咩事呢？都係唔好理～聽咗先～
我就滑動解鎖：『喂？』
「喂飛揚～」電話傳嚟Owner把聲，「咁早打嚟冇嘈醒你吖嘛？」
『冇～冇～我醒咗一段時間㗎喇～』仲差唔多食埋早餐添～
「咁就好喇～你而家有冇嘢做吖？得唔得閒吖？」Owner又急住問咁。
『我而家吖？食埋個早餐就去洗嘢囉...』算唔算有嘢做吖？
「咁就啱喇～一陣幫我去黃金海岸拎啲豆得唔得吖？」Owner又單刀直入～
『黃金海岸？』竟然係喺嗰邊？
「係吖...之前喺工廠區嗰間嘢執咗喇...而家要自己直接喺黃金海岸個碼頭拎...本來係叫輝哥去拎嘅～之但係佢又舊患復發...雨姐又去咗照顧佢...而家就得返我呢個老鬼返去咖啡店開舖...真係分身不暇喇...」
哦？輝哥又偷懶吖？
今次都好～呃到雨姐去照顧佢～賺晒啦～
『哦...都OK嘅...』綽姿要我做嘅都係Mon住個委託板接委託...
我諗一邊去拎咖啡豆一邊Mon住都唔係問題嘅～
「咁就辛苦晒喇～你去到碼頭嗰邊同個叫友哥講話係Today Coffee嚟拎咖啡豆就得㗎喇～」Owner又快刀斬亂麻咁～
『搵友哥就得㗎喇？』又唔使單又唔使俾錢㗎？
「係吖～個碼頭佢管嘅～所有攞貨嘅都係搵佢就得㗎喇～」Owner又簡單交代～
『哦...好好...』管碼頭嘅？
「人工方面...」Owner諗咗一諗，「五十...五十O唔OK先？」
『哦...OK...OK...』五十蚊...好過冇啦...
「就咁話喇～你最好喺...」Owner再諗一諗，「十二點前返到嚟啦～」
『哦...好...好...』十二點前...而家都係七點左右...仲有大把時間啦～
「咁辛苦晒你喇～一陣見啦～拜～」
『嗯～一陣見～拜～』
收完線望望部電話...又睇一次有冇啱接嘅委託...
都係冇...
好啦～食埋個早餐就洗埋啲嘢然後出發去黃金海岸拎咖啡豆啦～
快快手手飲埋最後一啖牛奶...然後又快快手手咁拎齊晒啲碟碟刀刀叉叉同兩隻杯去洗～
所有嘢都洗到乾乾淨淨之後，就換返套輕便裝...
我並冇打算要著緊身衫褲...更冇打算要帶裝備...
以我所知嘅黃金海岸...只係得啲MK仔...古惑仔...由唔同黑社會霸佔嘅地方...
烏合之眾...我諗根本就唔需要精神化都可以對付佢哋...
而且又唔一定要對付...避免同佢哋發生衝突就冇問題...
不竟...我都可以係一個普通市民～
更何況而家精神液咁寶貴...唔係執行委託都唔可以隨便用...
我唔可以依賴精神液...依賴精神化...
要以血肉之軀...保護自己...避開危險...
拎埋銀包鎖匙著埋件黑色大褸同對鞋之後...拎埋部電話喺手就出門口～
沿住幽暗嘅樓梯落樓...
“咔...咔...咔咔咔！啪！”一手推開壞壞地嘅爛鐵閘...
看看街上...仲有唔少學生喺街上行...
再望清楚啲...有男有女...有中學生...有小學生...
睇嚟今日都真係有啲早...
綽姿今次咁早就趕住出門口...搞咩呢？
我諗都唔會係關於SPIRIT嘅嘢啦～
我諗係...關於茵婷～
我沿住馬路旁邊行...
茵婷同綽姿...
其實綽姿都唔係咁冷血姐...
其實...綽姿都好著緊茵婷呢個好姊妹吖～
其實...綽姿對茵婷嘅關心，唔似係扮出嚟～
就算真係扮，都一定有七分真～
其實...我都唔係跟錯綽姿～
應該話...好彩係跟綽姿～
再沿住馬路旁邊行多幾步...跟住幾個學生妹身後行多兩步...
『唔...應該點過去好呢？』其實我都仲未諗到要點過去黃金海岸好...
“吼～”係柴油發動嘅引擎聲...
我望向前方，正正就見到一架紅頂小巴由遠處飛緊過嚟！
林雪架紅Van...
“吼～吼！飃～”紅Van迎面咁同我擦身而過！
都係唔好搭紅Van喇...去到邊都係一樣價錢...咁鬼死貴...
唔好話Owner淨係俾得五十蚊人工我吖...SPIRIT嘅委託都唔係咁好做...
唔好嘥錢搭車喇...靠自己雙腳行過去罷啦～
係喎...講開委託...
我一邊行，一邊拎部電話出嚟...打返開個SPIRIT App...睇睇個委託板...
綽姿要我今日搵值得執行嘅委託接...我就邊行過去黃金海岸邊F5委託板啦～
一邊行一邊F5個委託板...
「做晒功課未吖？」
又喺幾個中學學生妹身邊行...
「今日個Quiz都未溫吖...」
又同幾個中學學生妹擦身而過...
「行快啲啦～行快啲啦～再唔行快啲就遲到㗎喇～」
又有幾個小學小妹妹喺身邊跑過...
「後面好似有人跟住我哋咁嘅...」
又跟喺幾個初中學生妹身後行...
「好似都跟咗一段路喇...」
一路行...
「睇佢好似扮晒望住部電話咁...」
望住個委託板一路行...
「係唔係偷拍緊我哋㗎...」
係咁F5住個委託板咁行...
「街上唔見晒班西貢獻命...就多咗啲變態怪叔叔...」
我行多兩步...差唔多行到要橫過馬路之前...望一望返前面...
前面正正就有三個初中學生妹...企喺馬路旁邊...拎轉頭...一面嫌棄咁冷眼打量住我...
呃...係唔係有啲咩誤會？
呃...都係唔好理...行快兩步超前嗰三個初中學生妹...橫過馬路...
「被發現就急急腳走...」
「都好啦...好過繼續跟住我哋啦...」
「係囉係囉...偷拍都算啦...最怕都係跟住喺我哋身後唔知會對我哋點...」
我都係急急腳咁行快多幾步...免得俾人誤會啦...
不過講開又講...又真係唔覺眼...應該話...直頭冇見過...
西貢獻命...
一路上除咗話F5住個委託板，我都有留意住啲學生妹...唔係唔係！
我係有留意住附近有冇專捉學生妹嘅西貢獻命出現！
之但係行咗咁耐...就連想搵個頭光佬睇睇都冇...
身邊又好...公園又好...橫街窄巷都好...
而馬路上想搵架白色輕型貨車睇睇都冇...
“吱～飃～”就只有一兩架中型貨車駛過...
真係奇怪...
我一直帶住呢個奇怪嘅心...一直行...又F5住個委託板...留意住四周...
「快啲啦快啲啦～就遲到喇！」
身邊都仲係有唔少學生妹跑住咁趕返學...
「跑快啲啦！跑快啲啦！唔等你㗎喇！」
高中初中小學都有...
有咁多小白兔喺街上跑嚟跑去...西貢獻命竟然會錯過呢個大好機會？
點會咁㗎？明明就係捉學生妹嘅大好時機啦！
唔係我份人夠君子嘅話，我都想捉個小妹妹入草叢慢慢玩！
點解會咁㗎呢？
西貢獻命班仆街去晒邊呢？
雖然早幾日喺街上都見少咗班仆街...就算見到都係瑟瑟縮縮咁...冇晒霸氣咁...
真係好奇怪...
真係好有...暴風雨前夕嘅感覺...
繼續行...帶住暴風雨前夕嘅感覺行過咗三聖...
學生都差唔多返晒學...四周就只係...公公婆婆...叔叔嬸嬸...
仲係唔見...半個光頭佬都見唔到...
而我手上部電話...都係冇...半個由政府、解放軍甚至係國安局放出嘅委託都冇...
咁...西貢獻命㗎呢？
我沿住破爛殘舊嘅海濱長廊行...搜尋西貢獻命嘅委託...
『都係冇...』
點解會咁㗎呢？又由幾時開始㗎呢？
唔通真係由上次...逆行者盯上西貢獻命之後？
西貢獻命真係咁怕逆行者佢哋？
除咗唔敢同佢哋正面衝突...就連搵我哋幫手對抗逆行者都唔敢？
或者...或者都真係...
始於...西貢獻命應該好了解逆行者...
話唔定比起我哋SPIRIT...更加了解逆行者...
一路繼續行...又繼續F5...
『全部都係愛港愛國嘅平價委託...』全部都唔過20 Sil...真係接唔落手喎...
行多幾步...又行到嚟“別墅”...
別墅門口又係企咗兩三個金毛MK仔...食住煙咁眼超超...
我就唔理佢哋咁多...繼續望住部電話咁行...
行過班金毛MK仔身邊之時...又偷偷望一望佢哋...腰間都攝咗支手槍...
攝得咁鬼柒...鬼唔望走火射爆你碌鳩...
至於別墅裡面咩情況？就真係睇唔清楚喇...
算啦～暫時都係唔好理咁多～搞掂手頭上啲嘢先啦～
繼續沿住馬路旁邊邊行邊F5...
然後...好快就差唔多嚟到...黃金海岸...
而我離遠就望到...黃金海岸嘅入口...好似企咗幾個...金毛MK仔...
我再慢慢咁行近少少...再行近多少少...望清楚少少...
呢四五個金毛MK仔好似...企喺度...做守衛？