《香港傭兵》: [Day 11－不入虎穴] PART 10
望住陰暗嘅面容之中...兩點綠光望咗過嚟！
點...點會...係氣息！
一心諗住躲藏起嚟...等待時機...突襲又好...等佢走都好...
但一直都冇發現到...原來自己嘅氣息一早就俾人發現！
呢次仆...
說時遲，那時快！必然以忍步急速接近！
仆街喇！
我立即一邊從腰間拔出精神刀！一邊向後退一步！
同一時間...“嗡！”必然一刀就斬開我面前架貨車！
我立即用精神刀一擋！
“嗡！吱！”係！係俾我擋得切！之但係...
『嗚呀！』衝擊力之大，我整個人向後彈飛！撞埋身後嘅鐵絲網！
“砰！啪！”必然半車身踢開貨車殘骸後，以忍步直衝埋嚟！
我隻腳一掂地，立即向右一跳！
“嗡！嗡！”必然揮兩刀！刺眼嘅綠光刀刃就將鐵絲網斬開！
我再向後彈多兩步！雙手緊握精神刀！擺出防禦姿勢！
望住必然...左手拎住發出刺眼綠光刀刃...側身企定定...望住我...
仆街喇呢次...
必然一定感覺得到...我就係上次喺青衣嗰條...廢柴...
上次就話有綽姿...
望住必然身上嘅綠色粒子閃著...閃著...
今次淨係得我一個...
望住必然手上把散發住刺眼綠光嘅精神刀刃閃著...閃著...
佢一定唔會放過我...
點好呢...應該點做呢？
唔可以退...我一後退...佢就會立即攻過嚟！
但我而家擺出防禦姿勢...又真係可以防禦到咩？
呢頭都未諗完，嗰頭必然就以忍步衝過嚟！
喺必然衝到埋嚟我面前，正要橫刀一閃之時...
“嗡！吱！”我立即用精神刀反手一擋！
擋到！擋得切又擋得住！！！
必然立即轉身斬！
“嗡！吱！”今次我都嚟得切擋！但就擋唔住喇！
『嗚呀！』我被強大嘅衝擊力彈後五六步！
必然乘勝追擊！以忍步一邊貼近！一邊揮動手中嘅精神刀！
“嗡！嗡！嗡！嗡！嗡！”橫斬直砍橫斬直砍橫斬直砍！
我就一邊擋！一邊被彈後幾步！
擋係擋得切...但唔係刀刀都擋得住！
一時好似冇咁大力...一時好似幾千磅衝擊力撞埋嚟！
擋到我對手都有啲震喇！
“嗡！吱！”再俾我擋多刀之後，必然就一腳踢落我肚！
『嗚呀！』呢腳真係好重！我成個人飛開十幾米再喺地上碌咗幾轉然後半跪半企咁擺返個有型姿勢！
好撚痛呀屌...啲腸吖胃吖肝吖腎吖都好似移晒位...
唔使用劍嘅...用腳都踢死我喇！
唔好諗呢啲無謂嘢喇...諗諗有乜辦法求生好過啦！
趁住呢個空檔，我立即提高視力（其實一直都提高到最頂峰！）偷偷望望四周...
四周有啲乜可以幫助我呢？
但四周除咗有貨倉...幾架貨車...幾件貨車殘骸...仲有地上都瞓咗唔少...西貢獻命嘅屍骸...
偷偷望望一件件散件...原來西貢獻命班仆街...都已經被必然搞掂晒...
真係夠晒絕望...想借西貢獻命班仆街擋擋都唔得...
唔通真係只能靠自己？！
呢段少少嘅空檔未能幫我爭取到更多生存空間...必然再次以忍步接近！
我立即一腳...再一腳！將身邊兩舊貨車殘骸踢向必然！
“嗡！”必然一刀斬開舊貨車殘骸，再一腳踢開另一舊貨車殘骸後，順勢一刀橫斬埋嚟！
我立即用精神刀擋住，順勢邊擋邊借力一飛！飛向空中嘅貨車殘骸上！
當我踩喺貨車殘骸身上之時，必然都回身一跳！向我再次使出一閃！
處於半空狀態之下，令我好似有更多嘅反擊空間...
我擋完必然一閃之後，順勢向佢回返一刀！
“吱！嗡！”必然轉手一擋！又回身向我一砍！
我再擋住必然一砍，再用力一推！
必然俾我彈開！借另一舊貨車殘骸做踏腳石！
我就趁住呢個空檔向住必然一跳！使出一閃！！！
要進攻...唔可以只擋...一定要採取主動進攻！！！
“吱！嗡！”必然轉身一擋，又再向我作出反擊！！！
“嗡！吱！嗡！嗡！嗡！吱！嗡嗡嗡！”我同必然就喺空中...幾件貨車殘骸之間作攻防戰！
講真嗰句...以我嘅實力可以同必然大戰幾回...算叻仔㗎喇...
我一心諗住會俾佢秒殺㗎！
當我哋正要落地之時...
“嗡！”我仲斬中必然右肩一刀！！！
只係...斬唔入...
必然趁機用刀柄一嘢鑿落我個肚！
『嗚呀！』我成個人又飛開十幾米再喺地上碌咗幾轉然後半跪半企咁擺返個有型姿勢！
我屌...今次啲腸吖胃吖肝吖腎吖唔止移晒位...仲攪埋一舊添喇...
咁難得先俾我斬到一刀...但唔入...佢一腳就踢到我嘔精神能量...公平咩？！
冇錯...的確有唔少紅色粒子由我個口飄出！
精神能量...流失緊...
我都仲未評估得切情況有幾嚴峻...必然望一望手中嘅刺眼綠光刀刃...又以忍步迫近！
我立即企返起身，擋住必然嘅一閃！
“嗡！嗡！嗡！嗡！嗡嗡嗡！”必然一刀接一刀...一刀再接好幾刀！
必然嘅速度明顯加快！力度都增強好幾倍！
睇嚟必然好嬲...好似真係要置我於死地！（有唔係過咩？！）
“嗡！吱！嗡嗡！吱！嗡嗡嗡嗡嗡嗡！”一路擋住...一路被壓住後退！
刺眼嘅綠光刀刃閃過不停！
仲有唔少綠光刀氣亂飛！地上...身邊嘅貨車...貨倉嘅鐵皮都留有刀痕！！！
當然唔少得...我身上...
『嗚...嗄...嘩...嗄...呀！』我全身上上下下都中咗好多刀...多處傷口都飄出紅色粒子！
唔得喇...
“嗡！吱！嗡嗡！吱！嗡嗡嗡！嗡嗡嗡！”
我已經...好叻仔㗎喇...
“嗡嗡嗡！嗡嗡！吱！嗡嗡嗡嗡！”
至少我擋到幾刀...反擊過...斬中一刀...
“嗡！嗡嗡！嗡嗡嗡嗡！嗡嗡！”
至少我冇...被秒殺...
“嗡嗡！嗡！嗡！嗡嗡嗡！嗡嗡！”
但我真係...極限...
就喺我雙腳軟落嚟...
就喺必然快要向我使出最後一擊之時...
「求生嘅本能～搖擺～搖擺～」
我耳邊好似...聽到...
「身體每一吋肌肉同筋骨都會自然咁作出配合～搖擺～搖擺～就好似反射動作一樣～搖擺～搖擺～」
阿月把聲...
我好自然...好似反射動作一樣...用右手喺大髀上拔出匕首...一擋！
擋住必然嘅最後一擊！
擋住咗...竟然可以用匕首...擋住...
大量嘅綠色粒子...由必然手上嘅綠光刀刃與我手上把匕首刀刃之中飄出！
我又好自然咁...用匕首推開必然...再向佢身上刺！
必然一邊向後退...一邊用刺眼嘅綠光刀刃擋！
但每擋一下，我都會再向住必然嘅要害刺埋去！
點解會咁...隻手...同身體...無意識咁自己郁...自動向必然作出攻擊...
仲要每一刺都係向住要害刺...
我向住必然步步進迫！佢就用刺眼嘅綠光刀刃擋擋擋！
必然只可以忙於格擋，並冇任何空檔作出反擊！
點會咁...我點會識得用匕首？我從來都冇學過點樣用匕首！
一刺一削再一刺！刀刀都好順暢流利！
就如行雲流水一樣！
就喺我全完失控咁迫向必然進攻咗好幾十刀之時...
“颼！”我一刀就插入必然右邊肩膀！
入...入咗...插得入！
必然立即揮刀一斬！
我立即以匕首擋住！再順勢彈後兩步！
望住必然撳一撳右邊肩膀，但都仲係有大量綠色粒子飄出！
估唔到...估唔到把匕首插得入...仲要好似插得幾深！
雖然唔知而家係咩情況...但好似對我好有利...
只見必然緊握精神刀，刀刃同佢身上嘅綠光就越閃越光...越閃越刺眼！
真...真真係...有利嘛？
我呢頭都未諗完，嗰頭必然就踏前一步...一跳！就跳到我面前使出一閃！！！
自然反應之下，我立即反手舉起匕首一擋！
可以話...好輕鬆就擋住咗...
我再順住個勢...用匕首一直轉到落必然隻手...一削！
少量綠色粒子由必然前臂飄出！
同時！必然一腳踢落我個肚！
『嗚！』我整個人就退後幾步！
被踢中都仲係好撚痛！
右肩同左前臂都飄散住綠色粒子嘅必然並冇停落嚟，再以忍步迫近！向我施展亂刀狂舞！
我立即以匕首邊擋邊向後退！
“嗡嗡嗡嗡嗡！嗡嗡嗡！嗡嗡嗡嗡！”明顯！必然嘅攻勢比之前更猛更快！！！
相對地，我亦都可以輕輕鬆鬆逐一招架！！！
刺眼嘅綠光喺我面前閃過不停！
我就向住貨倉方向後退！
當我後退到接近貨倉嘅鐵皮牆身之時...我一刀擋住必然嘅橫斬！順勢踩向鐵皮牆身！
我踩住鐵皮牆身跑上兩步，再一個轉身飛落嚟！飛向必然嘅背後！喺空中使出背刺！
之但係必然都唔弱！立即以精神刀使出背擋！再順勢將我彈開！
呢一彈，就將我彈到去差唔多有十米之遠！
我雙腳踩實塊爛地！都滑行咗幾米！
真係唔係講笑...就算係我而家唔知做乜鳩無啦啦好似爆Seed咁...都係唔...
我呢頭都未FF完，嗰頭必然又離遠向我揮兩刀！
“嗡！嗡！”兩道綠光刀氣就勢凶夾狼咁砍埋嚟！
我又好自然咁立即舉起匕首一擋！再反手握匕首又擋！
化解咗兩道刀氣之後，必然又爆晒氣咁以忍步衝過嚟！
我巧妙咁側身避開必然嘅一閃！
當必然斬開我身旁架貨車之時，我一個轉身就反手握住把匕首插向必然後頸！
危急之下，必然順勢轉身！勉強用精神刀擋住我嘅致命一擊！
但同時，必然失去平行！只能單手撳住塊舊地...嚟個側手翻！嘗試同我拉開距離！
我見機不可失，就乘勝追擊，反手手持匕首，以忍步迫向必然！
必然一穩住步腳，就立即向我揮刀！
今次我以左手精神刀一擋！
“嗡！”紅光刀刃就擋住刺眼嘅綠光刀刃！
同時！我直接用匕首片向必然條頸！
必然手上把精神刀俾我牽制住，只能徒手捉住我前臂！
我再順勢一腳掃必然後腳！將佢掃低！
喺射燈照射之下...白光圈之中...就喺必然失晒重心...就喺紅光刀刃壓住綠光刀刃...就喺我反手手持匕首壓向必然條頸...壓到落地之時...
停咗...我手上把匕首壓住必然條頸...停咗落嚟...
我冇兜嘢片落去...只係降住咗必然條頸...
唔係...唔係話我落唔到手...唔係話我想放生佢...
係我...冇晒反應...
頭先嗰啲...自然反應...突然消失晒...
必然見我呆晒咁...立即橫刀一斬！
『嘩呀！』我嚟唔切避...心口中咗一刀！
大量嘅紅色粒子喺心口噴出！
好痛...呢刀...好深...差啲就冇命！
必然一個蜈蚣彈就彈起身！再衝向我面前斬幾刀！
我完全冇晒頭先嘅反應！只係識得用精神刀鳩擋兩嘢...
“嗡！”然後就俾必然斬斷我隻左手手腕！
握住精神刀嘅左手隨即飛上空中...化成無數紅色粒子！精神刀嘅紅光刀刃亦同時消失！
必然再一腳車向我個頭！
“咚！咚！”精神刀柄由空中跌到落地之時...
『嗚呀！』我成個人亦凌空三百六加轉體七週半瞓落地上！
點會...結局點會變成...
必然行到嚟我面前...
『唔好…嗄...唔好…嗄...』我一路向後爬…一路向住必然伸出左手...
大量紅色粒子喺我嘅前臂斷口飄出...
必然雙手舉起精神刀...綠光刀刃越嚟越光...越嚟越刺眼...
當必然將把精神刀舉到最高，要向我使出袈裟斬之時…
『唔好…嗄...唔好！』眼前嘅一切開始變慢…
發出綠色光芒嘅刀刃直砍落嚟嘅速度都慢起嚟…停落嚟…
接著…就係…我前臂斷口…同刃刀之間嘅位置開始扭曲…
不停扭曲…扭曲…產生出黑色嘅…深淵一樣黑嘅…黑洞…
越嚟越黑…眼前一切…整個空間…正被深淵一樣黑嘅黑洞吞噬…
「嗚...呀...嗚呀呀呀呀！！！」只聽到必然大叫之後...
“轟！”一聲巨響！
黑洞之中爆出無數咁多綠色粒子之後...消失咗...
帶住點點親切嘅...綠色粒子...
綠色粒子亦都喺空氣中慢慢飄散...消失...
發生咩事？咁...必...必然呢？
我仲感覺到必然嘅氣息...
我勉強坐起身...望望氣息嘅來源...
我望到不遠處...必然跪咗喺地上！胸口飄出大量綠色粒子！
必然單手撳住胸口...另一隻手...成隻左前臂已經斷咗！斷口亦飄出大量綠色粒子！
咩事...頭先發生咗...咩事？
必然身上嘅綠光越嚟越弱...胸口同斷口飄出嘅綠色粒子越嚟越多...
必然撳住胸口...慢慢起身...
唔係...唔係仲要打吖化...
只見必然慢慢向後退...左搖右擺後退多幾步...回身一跳！逃走！
走咗...越嚟越遠...必然嘅氣息...遠到...感覺唔到...
好喇...好喇...執返條命喇...
唔係唔係...仲有綽姿...
『綽...綽姿...綽姿！』我都左搖右擺行入貨倉...
喺貨倉裡面...微弱且閃著嘅燈光之下搵...
有唔少女仔瞓咗喺度...
『綽姿...綽姿！』我就唔理得咁多...努力搵綽姿嘅身影...
好彩嘅係...唔使搵好耐...就俾我搵到！
我跪喺仲熟睡緊...仲著住整齊校服嘅綽姿面前...攬一攬...搖兩搖：『綽姿...醒喇綽姿...』
搖多兩搖...再搖多兩搖...
「唔...嗯...呢度係...你...你點解會...」綽姿摸住我左前臂嘅斷口...
『你醒就...』
突然…覺得有啲攰…
『好...』
好眼瞓…
「唔好...唔好進入深層睡眠住…」
四肢乏力…
…
..
.
TO BE CONTINUED