《香港傭兵》: [Day 11－不入虎穴] PART 09
“叮 叮”一出到門口...
『雨姐成日都講衰嘢㗎...』我就尷尷尬尬咁急住同羅羅解釋...
喺個天真無邪可愛得意嘅小妹妹面前講埋啲咁嘅嘢...尷尬死喇真係...
「唔緊要～呢啲都係平常事～」羅羅帶住天真嘅微笑擰擰頭～
平常事？
唔係真係好似雨姐所講，呢個年代嘅小妹妹都係十一二歲就老江湖喇嘛？！
咁羅羅佢又...試過未呢？
眼前呢個天真無邪...可愛得意嘅羅羅...細細個就瞓喺床上...擘大對髀...
我又喺度諗緊乜呀？！
唔好諗...唔好諗...諗諗都充滿罪惡感...
『呃...我...我都係送你去搭車...』唔好再喺呢個話題上打轉...
唔係嘅話...真係會做錯事！
「嗯嗯～」羅羅點點頭，然後翹住我手臂。
天色已暗...羅羅同我就把著臂，喺暗黃色嘅街燈照射之下慢步。
“颼！”無情嘅風仍然無情地撲向我們身上...
羅羅就翹得我越實...越緊...
翹得緊係因為凍？定係唔捨得？
老實講...我都真係有啲唔捨得...
同羅羅相處呢一日...好似建立咗...一份感情...
嗱！你又唔好誤會呀！唔好又話我姼又周圍食女呀！
我份人又專一又長情㗎！
我對羅羅呢份感情係...憐愛之情？
我唔知有冇形容錯啦...我只係覺得...羅羅冇人冇物...而又好似咁依賴我咁...我想可以喺佢身邊耐啲...照顧佢多啲...俾多啲溫暖佢姐...
雖然...我唔係一個可靠嘅人...
“颼！颼！”
同羅羅繼續抵住寒風一直向住置樂方向行...
點解明明過條天橋就到對面馬路，架紅Van都經，但就唔喺嗰邊等，要行去置樂咁遠？
無他嘅～
一來我想可以陪住羅羅身邊耐啲～二來係唔想太近屋企...
唔知幾時開始...又唔知點解...我有種戒心...
唔係對羅羅...係對所有人同事...
總係覺得...做任何事都唔好太接近自己個竇！
咁樣嘅第六感...算唔算係有進步？
繼續提高警覺行，一路上都冇乜人...
總算無驚無險又嚟到置樂。
『我哋喺度等...』企喺恆順園對出條馬路等。
「嗯嗯～」羅羅點點頭，乖乖地企定定。
只係過咗一陣...
“吼！吼～”係用柴油發動嘅引擎聲...
“吼～吼！”我望向遠方，正正就有架紅頂小巴衝緊過喇...
又會咁快...
總係咁樣...想佢快啲嚟，就等成個鐘都未嚟...
唔想佢咁快嚟，就立即飛到去你面前...
我向住紅Van揮揮手...
“依！！！”紅Van就急煞喺我哋身邊！打開車門！
只見林雪望咗我哋一眼，然後望返上前...
『呃...你返到去...Send個Message俾我吖～』始終...我都係擔心羅羅...
「嗯～你真係...好細心～」羅羅攬住我，錫一錫我面頰，「拜拜飛揚哥哥～」
『哦...拜...拜...羅羅...』羅羅佢...錫我...
望住羅羅上車...俾完錢...坐喺窗邊同我揮揮手...
我都向羅羅揮揮手...
“依！吼！吼～”目送住架紅Van起飛...
羅羅錫我...
我咁大個仔...除咗俾阿月錫過之外...就未俾過其他女仔錫過...
嗚呀！！！
冇嘢嘅冇嘢嘅！Goodbye Kiss嚟㗎咋！正常社交禮儀！
冇嘢嘅冇嘢嘅！只要唔好俾阿月知就冇嘢嘅冇嘢嘅！
好喇好喇好喇！而家都係時候返去準備喇！
冇錯！我而家再冇咁多閒情逸致FF埋啲無謂嘢！
我就沿住馬路邊，抵住冷風行返屋企！
急急腳咁行！好快就返到嚟！
一入到屋，第一時間都係換好衫！準備好裝備！
著返緊身衫褲綁埋把匕首喺大髀著埋行者長袍再插返把精神刀柄喺腰間！
然後就係...計劃！
話晒今次都係我第一次自己一個執行委託！
冇綽姿喺身邊...乜都要靠自己！
應該要點做？會遇上啲乜情況？又應該要有乜對策？必定要預先諗好！準備好！
無錯！今次除咗話係要為西貢獻命護送外，最重要都係要知道佢哋要運班女仔去邊！
所以我而家要做嘅就係，首先開開香港地圖睇睇！
我拎部電話出嚟打開地圖App！
『深井...由深井開始...』其實都可以去到好多地方！
的確...香港嘅公路網四通八達...根本就唔可以推測佢哋想運去邊...
咁嘅話...我又應該用Level幾嘅精神液？
其實呢個先係重點...
首先計算執行委託嘅時間...大約應該唔過一個鐘...
即係最少都要用一支Level 2...
然後就要以精神化狀態之下跟蹤佢哋...
而喺深井去到最遠嘅地方...應該唔超過一個鐘...
之不過...就算跟到去目的地，話唔埋仲有排搞...
咁都係帶定支Level 3穩陣！
仲有帶定多支Level 1俾綽姿！必要時可能佢都要精神化！
好！我就喺個收埋精神液嘅櫃裡面，隨手拎咗Level 1 2 3各一支！
然後...再預想會發生嘅情況...
好！等我坐定定諗諗...
我坐定定，合埋雙眼諗...諗...再諗諗...
諗咗好多會發生嘅情況...又諗咗唔少對策...不知不覺就差唔多到集合時間。
喺出發之前，我睇睇手機...睇睇Message...
未打開羅羅嘅對話內容，我就已經見到“飛揚哥哥～我平安返到宿舍喇～”
好喇...咁我就放心喇...
我都回返句“咁你好好休息喇～再聯～”後，Lock返部電話...
『好！而家用咗支Level 2先！然後直接趕過去！』
我左手拎起支Level 2精神液，用力一捏！
當道寒意由手背傳遍手掌…傳到手臂…全身...
「救命...救...命...」我又聽到...我又聽到女仔聲...
「救我...救我出去...」點解...點解又係...
「冇喇...冇力...喇...」唔好再...唔好再理咁多！
要爭取時間！準備出發！
我擒上窗邊，望一望街上嘅情況之後，就向街外一跳！
喺漆黑嘅街道之上，跳過一支街燈！又跳過一支街燈！
望望街上冇乜路人...就算有都唔會留意到我喺街燈上跳嚟跳去！
極速跳過幾支之後，又跳去簷蓬上！窗台邊！一個轉身又跳到上輕鐵車頂！
由呢邊趕過去...應該可以喺集合時間...趕得切！
頭先預想得有啲耐...耐到有啲趕...
不過唔緊要！我都預咗係精神化咗先趕過去！
喺夜幕之下，一直飛簷走壁咁趕過去！
當我趕到去兆康站，都唔算有太多人...
就算嚟到嶺南大學，都唔係有太多人出出入入...
我就繼續小心避開...唔俾人發現...
當我趕到過嚟富泰...當我差唔多趕到去西貢獻命個貨倉嘅時候...
係！的確趕得及喺集合時間嚟到集合地點！我仲感覺到...兩個陌生行者嘅氣息！
唔止兩個陌生行者嘅氣息...仲有...另一股...
呢股...氣息...
我放慢腳步...放輕腳步...再行近啲...行近貨倉閘口前...我就見到...見到有兩件一刀兩斷嘅屍體瞓喺地上！
『點會...點會有兩個...西貢獻命...』我帶住困惑...望住西貢獻命嘅屍體...行前兩步...
再望清楚...屍體身上...切口都好齊...加上死唔眼閉...應該係未嚟得切反應...就直接一刀兩斷...
而且...切口仲有...少量嘅...微弱嘅...綠色粒子？！
行過屍體身邊後...我感覺到...其中一個陌生行者嘅氣息...消失咗！
而且我可以再清楚感覺到...另一股...強大嘅氣息...有啲熟識...
呢股強大...又有啲熟識嘅氣息...係...
『必然？！』
冇錯！呢般強大且帶點點親切嘅氣息...正正就係嗰個叫必然嘅逆行者！
估唔到真係會...
我再偷偷行入啲...睇睇...
喺幾支射燈之下...幾個白光圈之間...我已經見到有強烈嘅綠光同紅光閃著閃著！
我立即走到去貨車旁邊！偷偷探頭出去望望！
我就望到...喺貨倉出面塊空地...有兩個身影...打鬥緊！
一個全身閃著綠光...手持發出刺眼綠光刀刃嘅身影壓住一個全身閃著紅光...手持發出刺眼紅光刀刃嘅身影嚟打！
真係...真係遇到逆行者！
其實頭先預想嘅時候，我就諗會唔會遇到逆行者...
如果遇到逆行者...只要唔算太強...都應該可以保住小命...
之但係...好衰唔衰而家遇到嘅竟然係必然！
點會又係佢...點會咁唔好彩...
然後我又用咗好多時間去諗如果遇到逆行者，應該要點做...
我有諗過係唔係應該要逃走...之但係唔可以不顧綽姿而去！
我又有諗過係唔係應該等其餘三個隊員去招架...自己等執雞！
之但係...照而家嘅情況推測...其中一個應該喺啱啱我入嚟嗰一刻就被必然解決咗！
咁仲有一個呢...會幾時到呢？
唔係...應該唔係咁...
已經到咗集合時間...而家都仲未感覺到其他行者氣息...即係話...好大機會已經被必然秒咗！
呢個可能性真係好大！
我亦都應該要作最壞打算！
我繼續偷偷望出去...必然左斬右砍轉身再斬兩刀！
刺眼嘅綠刀光就閃過不停！
而執行者就只有擋...擋...擋擋擋！不斷後退！
唔得...本來打算借出面個執行者...削弱必然嘅能力...萬一個執行者死咗，我先出去執雞都唔遲...
但而家咁睇...冇可能削弱到必然！
一砍！一斬！再斬再砍！轉身半月斬！必然步步進迫！
一擋！一避！再擋再避！避無可避！執行者節節敗退！
差好遠！實力相差太遠！
必然再橫斬直砍！
執行者雖然一個轉身避開...但旁邊架貨車就被必然輕易斬開！
我可以感覺得到，而家同必然交手緊嘅執行者氣息不及綽姿！
綽姿面對住必然，都打定輸數...而家眼前呢個執行者就更加唔使講...
執行者迅速後退兩步！嘗試同必然拉開距離！
但必然只係揮兩刀，就有兩道閃住刺眼綠光嘅刀氣砍向執行者！
執行者強行擋住一道！但第二道直斬落執行者胸口！
雖然呢一刀好似唔係斬得好深...但執行者胸口都噴出紅色粒子！
唔少紅色粒子由執行者胸口飄出...唔少精神能量流失緊！
再係咁落去...
說時遲，那時快，話口未完，必然以忍步極速貼近執行者，由下而上綠光一揮！
雖然執行者及時避開致命一擊...之但係左手手臂被斬斷！隨即飛到空中！化成無數紅色粒子！
執行者左手手臂飄出大量紅色粒子！
雖然話呢個執行者係右手持刀...之但係依上次綽姿所見，能量係會流失得極快！
唔得喇...再落去...再冇續戰力...
執行者自己都知形勢不妙！就撳住自己左臂，跑上貨倉牆身！向上跑！
係想...想逃走？！
但執行者都未跑到一半，必然一跳！就跳上貨車殘骸...再借力一跳！就跳過咗執行者！
必然就喺執行者頭上...轉一圈...使出空中迴旋斬！
刺眼嘅綠光刀刃就圍住必然身上轉一轉...
雖然執行者及時用精神刀擋！但能量不足以抵抗！刺眼嘅綠光刀刃折斷紅光刀刃直砍落執行者身上！
當必然落地擺出有型姿勢之時，執行者都喺空中化為無數嘅紅色粒子！
無數嘅紅色粒子就喺空氣中飄散...消失...
冇喇...力量差距太大...同虐殺冇分別...
就算頭先我出去幫手...但都冇可能合力對抗得到必然！
點好呢...我而家應該點...好...呢...
就喺我都仲未諗到應該要點做...必然望咗過嚟！
『被...被發現？！』