是咁的，我嘅職業係幫人瞓覺: 二百三十九、回來我身邊

「邊個話佢係男人呀⋯⋯女人唔可以有車架咩？」

我移開手機問miki：「我阿媽話想今晚請你喺我屋企食飯，你得唔得呀？有雞脾食。」

miki點頭：「好呀，反正我返屋企都係自己一丁友食。既然伯母請我就唔客氣喇。」

「你聽到啦。」

「真係女仔聲嚟喎！呀，佢有無私樓？如果住公屋就得雞屎忽佢食架咋。」





「你當佢係普通朋友咁招呼得唔得呀？」

「咁你地係咪普通朋友先？」

「梗係啦！今日先！」我差啲爆埋今日先識，好彩收得切把口。

「今日先？今日先咩？」

「無野喇，今晚返嚟先講啦拜拜。」





「咪住咪⋯⋯嘟，嘟，嘟⋯⋯」

我大大力嘆咗口氣。

同阿媽講完電話，miki喺度唱鄭秀文嘅《回來我身邊》。
https://youtu.be/Usy213XVrnY

道別了怎可再見　就像這一生再精彩也得一次童年
但是我天真未變　孩子很好騙　為了不死的信念
仍然信　你狡辯　若我聽教你便回來我身邊





明知等不到　亦要等　還好有眼淚來陪襯
反正空虛　沒什麼想發生

難得開心過　讓我等　難得我越捱越振奮
可以等誰願意問　沒有真相才吸引
我勇敢
我膽怯
我不忿
回頭問背後誰著了燈 

但願你真的看見　現在我天天抱緊這布公仔去睡眠
但願我天真未變　孩子很好騙　為了不死的信念
仍然信　你狡辯　若我聽教你便回來我身邊





明知等不到　亦要等　還好有眼淚來陪襯
反正空虛　沒什麼想發生

難得開心過　讓我等　難得我越捱越振奮
可以等誰願意問　連眉梢都因你劇震
我勇敢
我膽怯
我不忿
回頭問背後誰在接吻 

「若是你聲音會變～但願你的神態未變～」miki唱嘅時候雖然面上帶住笑容，但眼角，係濕嘅。

佢嘅悲傷好似無底深淵，連僅餘嘅光芒都會被呑噬。

miki最深底嘅願望，始終係《回來我身邊》。





但佢都好清楚《回來我身邊》只係自欺欺人，金仔已經死咗，無可奈何嘅狀態下，為咗「愈捱愈振奮」，唯有喺最絕望嘅時候諗返起金仔留畀佢嘅「everglow」。