是咁的，我嘅職業係幫人瞓覺: 二百三十三、乖呀吓

外面嘅miki企咗喺咖啡機前面，個細路女好似已經走咗，佢喺度等緊杯咖啡。

或者係察覺到我出咗嚟，佢轉身見到我，就笑住拎起兩杯野飲行過嚟。

「點呀？嗚！」

miki因為我突然摟實佢而跣手，整跌兩杯野飲。

紙杯跌落石地板，黑咖啡流瀉出嚟。





我地兩個喺大堂正中央，無論係等緊檢查嘅客人定係忙住做野嘅姑娘都紛紛望過嚟。

「做⋯⋯做咩？」

我忍唔住滲出眼淚：「多謝⋯⋯多謝你⋯⋯」

miki隔咗一陣，手喺我背後伸上我個頭，一下一下好溫柔咁摸我啲頭髮。

「乖呀吓，我喺度呀。」





miki嘅說話，令我隱約記返起細個嗰陣，每次聽到阿媽講依句說話，就會覺得好安心嗰種感覺。

好想一直摟住⋯⋯啊，佢唔係阿媽嚟。

我察覺到自己失態，即刻放開miki：「唔好意思⋯⋯」