是咁的，我嘅職業係幫人瞓覺: 二百三十二、手術
「你有權選擇做唔做手術，但我要提醒你，個瘤只係暫時未夠大去影響你大腦機能。時間一耐，增長同病變嘅可能性好高。」
如果唔係miki多管閒事話唔想我死，走嚟話畀我聽超能力嘅代價同埋夾硬帶我嚟驗腦，我嘅下場就會同之前嗰兩個超能力者一樣⋯⋯
只係因為佢不厭其煩咁做多一步，就救返我條命。
「我做手術。」
醫生之後話會幫我轉介去相熟嘅腦科醫生度，盡快安排日子同我做手術，亦講埋大致上嘅收費。
「仲有無咩問題問我？」
我搖搖頭，醫生就同我一齊起身，陪我行出房門。
佢拍拍我背脊：「放心，我見過好多情況更加嚴重，你就真係少見嘅幸運兒嚟，唔使太驚。」
我向醫生點頭道謝，就拎住自己份報告行返出去。