是咁的，我嘅職業係幫人瞓覺: 二百一十、最後一行字
如果我無啦啦同你講見到你喺另一個世界食緊飯，你只會覺得我喺度吹水，甚至懷疑我痴線。
於是就算係傳媒記者都唔會對依啲超能力有任何興趣。
世人想睇嘅係瞬間移動、噴火、結冰⋯⋯依啲肉眼睇得到嘅能力。或者預言、讀心依啲好快有效果嘅能力。
但既然傳媒對超能力無興趣，點解miki仲會搵我？
「因為我要同你講嗰件重要嘅事，同你條命有關係。」
我忍唔住呑咗啖口水，視線繼續掃埋筆記簿內其他記述。
雖然能力唔同，但我地三個對超能力嘅描述都不謀而合。
「就像手突然增長，能按下腦中那個平日按不到的按鈕一樣。」
當我睇到最後一行字，呼吸慢慢急促起嚟。冷汗滑過太陽穴。