是咁的，我嘅職業係幫人瞓覺: 二百零三、陌生嘅號碼
佢合上筆記簿，轉換心情，展現返微笑，半起身咁作勢同我握手。
「唔緊要，點都好，多謝你今日抽時間出嚟講故事我聽。」
我都起身同嘉儀握手，佢隻手好似綿花咁軟屬：「唔好咁講，希望幫到你取材啦。」
嘉儀坐返低，開始收拾文具。
而我嘅手機亦同時響起，係個陌生嘅號碼嚟。
「咁我走先喇，如果寫得成書，會送返一本畀你。」嘉儀同我道別，我向佢揮揮手之後就聽電話。
「喂你好呀～請問係咪魏金玄先生呢？有超能力可以幫人瞓覺嗰位？」
係一把開朗活潑嘅女仔聲。
「係呀，有咩幫到你？」
「我叫miki呀，唔知可唔可以約你出嚟傾幾句呢？」