是咁的，我嘅職業係幫人瞓覺: 二百零二、失望
我即刻灑手擰頭：「絕對無咁嘅能力呀。我淨係幫人瞓覺，貪得意先睇下客人潛意識嘅世界，咁啱令佢睇得開只係好彩。」
「即係你都承認結果上，佢係睇得開啦？」
咁⋯⋯就結果而言的確係解開咗余生嘅心結。
但係要咁做，即係要入夢之迷宮，我啱啱先講完發過誓唔會再入去架嘛。
「如果要解開心結，我就要走入迷宮架喇。我都講咗迷宮幾危險架啦，隨時走咗入去出唔返嚟。只要意識一直喺迷宮入面，我就唔會醒。」
唔會醒就無辦法食野同飲水，持續落去就會有生命危險。
「恕我無辦法幫到你朋友，唔好意思呀下。」
嘉儀個樣有啲失望：「係呀⋯⋯真係可惜⋯⋯」