是咁的，我嘅職業係幫人瞓覺: 一百六十一、悲劇

余生喺廚房拎咗杯水畀我，自己亦咕嚕咕嚕咁飲咗一杯。講咗咁耐野係難免口乾架喇。

「我輸得太難睇喇。」

我無辦法回應。

「其實諗返轉頭，既然一開始就注定會輸，我當日應該鞠躬了就退位，起碼得到敬禮。」

「當日嘅你又點會好似依家咁冷靜？」





余生無奈咁笑一笑，又斟咗杯水，一飲而盡。

「所以呢，人唔冷靜就乜都睇唔清。一冷靜落嚟，抽離啲睇，其實對佢兩個嚟講係好事。」

阿邦因為cheese而唔再周圍玩女人，仲願意為佢負責任；cheese亦搵到佢想要嘅幸福，一個一直喺埋一齊都唔會令佢覺得辛苦嘅人，先係佢真正想要嘅野。

「本來愛情依樣野，就注定對某啲人嚟講係悲劇。」

余生同cheese一齊無耐嗰陣，都有兩三個男仔同cheese表白。





當時對嗰幾個男仔嚟講，又何嘗唔係悲劇？

只不過今次，輪到余生成為悲劇嘅主角咁解。