是咁的，我嘅職業係幫人瞓覺: 一百六十、徒勞無功

余生同cheese嘅感情慢慢凋淡，佢自己心入面最清楚，佢地兩個嘅火車已經出咗軌。

「由cheese愛上阿邦開始，我就已經輸咗。」

嗰一日，阿邦約咗余生出嚟食飯。

當時，佢帶住cheese出席。

啊⋯⋯要攤牌喇。

最後余生做過嘅一切都係徒勞無功，挽救唔到。

嗰一餐飯，嗰一個座位，喺余生眼中就好似處決死囚嘅電椅一樣。

余生默默聽完佢地兩個嘅自白，打咗阿邦一身，之後就無再同佢地兩個見過面。

「直到前兩日收到佢地嘅囍帖。成件事大致上就係咁多喇。」

已有 0 人追稿