是咁的，我嘅職業係幫人瞓覺: 一百四十六、做伴郎

cheese係典型嘅乖乖女，同余生喺大學認識。由細到大都循規蹈矩，鍾意睇卡通片，粗口都唔講多句。

仲要係少有咁認為一定要結婚之後先可以發生關係嘅罕見女性生物。

乖乖仔配乖乖女，自然雙雙緊守貞操到結婚，天作之合。

我有時好難理解點解有人認為結婚等同一個可以發生關係嘅認可證。

如果結咗婚先發現大家嘅性癖唔相容，對方鍾意玩菊花同滴蠟，咁又點搞呢？





不過以我嘅經驗同所見過嘅情況綜合咁推測，依種女仔反而好容易被壞男孩吸引。

完全無性慾嘅人係另一回事，只要有性慾但礙於宗教或者某啲情意結而壓抑佢，咁總有一日會反彈。

而壞男人往往就係依種女人腳下嘅跳彈床。

「咁佢⋯⋯搵你做咩？」

「佢地結婚，想我做伴郎。」





屌佢老母，咁撚仆街嘅。