是咁的，我嘅職業係幫人瞓覺: 一百四十五、脫軌
兄弟搵返自己好似同心情差係扯唔埋嘅因果關係嚟喎。
「正常唔係應該開心架咩？」
「正常係，但我地都唔正常。佢只係個勾二嫂反骨仔嚟。」
余生話佢同依位反骨仔先生幼稚園嗰陣就識，由細玩到大，熟到真係可以一條底褲兩份著嘅程度。
不過佢兩個嘅性格，隨住年齡增長而走向南北兩極。余生係讀書型嘅乖乖仔，反骨先生係爛玩型嘅mk仔。
余生無女朋友，反骨先生不停換畫。
不過大家有大家嘅生活方式，唔會去干涉對方嘅生活，只要出嚟玩嘅時候同以前一樣咁開心就夠。
好似就算我地唔食煙，但見到好朋友開始食煙都唔會單純因為咁同佢絕交。
直到余生識到佢女朋友cheese開始，佢嘅生活就開始脫軌。