是咁的，我嘅職業係幫人瞓覺: 一百二十九、入夢

我呆一呆，係喎，點解會唔記得我嘅客人恆仔架呢？

話哂都第一單生意嚟，一定要做得好好睇睇。

「唔好咁講。」

我跟住恆仔行過醫院嘅走廊，啲姑娘見到恆仔好似喪屍見到活人咁眼放金光，一睇個樣就知佢地想食鬼咗依個年輕才俊。

個地下仲濕埋，邊個倒瀉哂啲生理鹽水呀？





「你心口掛住嗰嚿野係咩嚟架？好靚喎。」

我望一望自己心口吊住嘅掛飾，係一個三環捕夢器，啲羽毛隨住我嘅步伐晃動。

熟悉嘅耳鳴喺腦內響起。

依嚿野⋯⋯邊個送畀我嘅呢？啊⋯⋯長長地頭髮嘅⋯⋯

「我女朋友送畀我架。」





點解講完依句野有少少想反胃嘅呢？

「咁佢幾好眼光。到喇我地。」