是咁的，我嘅職業係幫人瞓覺: 一百二十八、數豪宅

而我依種咁平凡嘅人竟然死好彩到無啦啦有超能力，仲可以用嚟賺錢。

都唔知係行咗咩狗屎運，或者係我前幾世做咗好多好事積返嚟嘅福分。

雖然唔知依種能力會維持到幾長時間，但我就準備好趁佢消失之前盡量賺多啲錢。

只要買到兩層樓一層自住一層收租，咁往後嘅日子就唔使再愁。

人地瞓覺會數綿羊，我瞓覺會數豪宅。





一層豪宅，兩層豪宅，三層豪宅⋯⋯

數下數下都忍唔住笑。

一百零七層豪宅，一百零八層豪宅，我有錢過李加乘未？一百零九⋯⋯

一隻手喺我面前揮一揮：「你做咩口噏噏咁？」

我嘅視線對焦，眼前依位著住西裝嘅鑽石王老五係⋯⋯





「你係咪就係金仔？我係恆仔呀！唔該哂你肯嚟幫我呀！」