是咁的，我嘅職業係幫人瞓覺: 一百二十六、半信半疑
我隨便將個話題兜咗上外太空，就無再同恆仔講過有關阿媽嘅話題。
對我定對恆仔嚟講，雖然佢都釋懷咗好多，但都唔係咁好。
當日同恆仔食完飯，佢就繼續見約好咗嘅香港朋友，我就因為無客返咗屋企。
打開門，四面牆，無人，我即刻除鞋衝入自己房摟實我老婆，即係張床。
阿媽同阿爸都分別返緊工，我話咗佢地知我依家係做緊咩工作，但就無講我搵到幾多錢。
兩老對我嘅超能力就半信半疑，但係我話要證明佢地睇佢地又唔制，真係難服侍。
阿媽仲成日哦我，叫我正正經經搵份工，話依家幫人瞓覺唔夠踏實，點都要出去外面返工乜乜乜。