是咁的，我嘅職業係幫人瞓覺: 一百二十五、問題
可能我阿媽真係有咩病嘅時候，就會摟實我話愛我之類，但佢無情白事點會無啦啦摟我先？肉麻架嘛。
「唔知呢？我淨係記得有次唔知睇咩書，見到入面有一條問題係問：『你記得母親做過的一件令你感動的事嗎？』我望住條問題諗咗好耐，個腦一片空白，好似真係無。」
「你無用心睇啫。」
「或者啦。」
或者係恆仔有過咁嘅經歷先會更加感受到同媽媽之間嘅感情。
所謂患難見真情，就係話緊佢同恆媽。
調轉嚟講，所謂平淡無感情，就係話緊我同我阿媽。
我諗唔係我無用心睇，而係佢一直以嚟的確無做過啲咩令我覺得感動嘅事。