是咁的，我嘅職業係幫人瞓覺: 一百一十二、IPAD
我同恆仔返咗去恆媽嘅豪華病房，開始執野。
其實除咗衣櫃有衫要收好放入喼之外，都無咩特別野要執。
放喺病床殘廢枱上嗰啲被相框表起咗嘅合照，就交返畀恆仔自己處理。
床旁邊嘅櫃桶有幾格，但只有第一格放咗野。
「ipad？」入面擺咗一部ipad。
「啊，係呀，之前媽咪仲郁得嗰陣驚佢悶，買畀佢煲劇聽歌呀咁樣。」
恆仔仲特登幫恆媽開咗個帳號，教埋佢點樣用。不過後來恆媽連自己有部ipad都唔記得咗。
好奇心重嘅我揭開個套，竟然仲有5%電。
鎖定畫面有幾個通知。