是咁的，我嘅職業係幫人瞓覺: 一百零八、永遠停留
而我喺恆仔嘅夢中，不停重複咁望住一個無可能實現嘅願望。
我走入病房，最後決定幫恆媽瞓覺嘅時候，一切又會重新嚟過。
由我同恆仔見面，步入病房，佢對我坦白要求幫恆媽瞓覺，我答應，行到恆媽身邊，重新開始。
恆仔一直喺度幻想我嚟到後，幫恆媽瞓覺嘅情景。
但係佢嘅幻想，永遠停留喺破滅嘅一刻。
夢係會受記憶、現實同表意識所影響嘅產物，現實發生嘅事係，恆媽被送入手術室，我根本無機會幫忙。
於是恆仔認定咗依個幻想嘅結局係無可能發生，只能夠無限重播無happy ending嘅奢望。