是咁的，我嘅職業係幫人瞓覺: 一百零七、失敗
嗰次嘅工作好失敗，因為我根本無完成工作。
我同恆仔行到恆媽嘅病房，就見到醫生護士將恆媽推出嚟，恆仔受驚之後衝咗過去。
恆媽入咗手術室之後，我同恆仔坐喺走廊上嘅梳化凳靜靜守候。
「其實我向你講咗個大話⋯⋯」
恆仔話，佢叫我嚟唔係幫佢瞓覺，而係幫佢媽咪瞓。
「但係⋯⋯遲咗一步⋯⋯」
我望住黑眼圈好深，眼皮耷下耷下嘅恆仔，睇個樣似係幾日無瞓過覺。
但佢依然想撐到恆媽嘅最後一刻。
於是我提議幫佢瞓覺，補充佢嘅精神。
訂立契約之後，我就幫恆仔瞓覺，等佢可以捱到手術完結。