是咁的，我嘅職業係幫人瞓覺: 九十一、真心想做
後來我先知股神叫巴風特⋯⋯巴菲特，另一個就叫索羅斯。
而恆仔喺嗰陣時已經背得出股神嘅名言，咩價值投資法呀、「別人恐懼我貪婪，別人貪婪我恐懼」呀、基本分析呀、技術分析呀等等都背到滾瓜爛熟。
依個就係分別，點解人地可以好似田雞咁秒秒鍾幾廿萬上落同食那渣麵？識得投資吖嘛，識得錢搵錢吖嘛。
不過我覺得更重要嘅係，佢鍾意研究股票，唔係純粹當係賺錢工具。
你叫我成日坐喺度睇咩日線圖呀北回歸線呀什麼什麼，我會眼花同嘔白泡。
但阿恆就係可以由朝對同一幅圖對到晚嘅人，唔係真係鍾意研究依家野的話，佢絕對無咁嘅能量做落去。
我識一個朋友曾經講過：「如果你願意犧牲睡眠時間去做，唔做唔安樂的話，咁就係你真心想做嘅事。」