是咁的，我嘅職業係幫人瞓覺: 八十九、拜拜喇，死八婆

叮叮。

阿婷嘅手機發出聲響，係短訊嘅聲音。

係喎，佢封咗阿朗wtsapp，但無封到sms。

「謝謝你對我說實話，我能放下了。」

無幾耐之後，阿婷有一次搵返我，話佢喺街上遇見阿朗。





阿朗拖住個女仔，無為意阿婷，行過咗佢。

阿婷望住阿朗同佢女朋友嘅背影慢慢遠去。

佢話嗰一刻，終於明白點解自己第一次同阿朗見面嗰陣，會莫名奇妙被佢吸引住。

「原來係你⋯⋯」

阿婷耷低頭，背對阿朗向大街嘅另一方行。





行到盡頭，轉身，阿朗同女朋友都已經行到街道另一邊嘅盡頭，消失於人群之中。

「拜拜喇，大哥哥⋯⋯」

嗯，我諗阿朗心入面，都講咗句——






























拜拜喇，死八婆。