是咁的，我嘅職業係幫人瞓覺: 六十二、我而家就喺度

「我而家就喺度。」

腳步轉向，跪低。

我摟住一直企喺我旁邊嘅婷婷。

「呃⋯⋯」佢有啲錯愕。

安慰人，唔需要重返過去嘅魔法。





每個人都受過傷，都有一啲我地趕唔切陪伴嘅痛苦過去。

「或者我要多謝下佢。」

「阿婷？」

「嗯，多謝佢搵你幫佢瞓覺，畀我見到你。」

我要做嘅，唔係返過去擁抱當時嘅婷婷。





而係擁抱當下，就喺我身邊嘅佢。

房中嘅婷婷依舊流緊悲傷嘅眼淚，依個係既定事實，追唔返。

但摟實我嘅婷婷，流緊感動嘅眼淚。