是咁的，我嘅職業係幫人瞓覺: 六十一、我……我想過去

雖然銀幕上無耐就會播一次姣婆大戰脂粉客，但我嘅注意力都集中咗喺房中嘅婷婷上。

叫天不應，叫地不聞。

佢眼白白睇住房入面嘅飾物同色彩化灰，公仔一隻一隻碎成粉末。

無助，無奈。

「有無人可以救下我⋯⋯」





銀幕上嘅四腳獸靠住床邊發出啪嗤啪嗤嘅叫聲，銀幕下嘅婷婷拉扯住幕布發出嗚哇嗚哇嘅喊聲。

我終於忍唔住想跑入房，但係踏咗一隻腳出去，旁邊嘅婷婷就拉住我隻手。

「你想做咩？」

「我⋯⋯我想過去。」

婷婷含淚，忍住唔喊問我：「過去又點？已經過咗去，無得改變架喇。」





「我淨係想摟下佢都好。」至少畀到少少安慰佢。

「無用架，只係影像嚟咋⋯⋯」

如果嗰陣你喺度，你話幾好呢？