是咁的，我嘅職業係幫人瞓覺: 四十八、好撚鍾意呀！！！
粉紅色嘅牆壁，大大張嘅公主床，仲吊住蚊帳咁嘅薄紗。
婷婷著住西歐風格嘅裙，摟住床上嘅公仔，有白雪公主啦、灰姑娘啦、小魚仙啦嗰啲迪士尼公主。
床對面係一張由左至右佔據牆壁嘅銀幕，播放緊當時阿婷同男朋友一齊嘅片段。
「嗰個就係阿朗。」婷婷指向銀幕上嘅男仔，應該就係佢前度。
「我鍾意你。」阿朗有陽光膚色，一對大眼，雖然好靚仔就唔論到佢，但整體嚟講都唔差嘅。
阿婷緊張到放喺膝頭上嘅雙手都握成拳頭。
「你⋯⋯鍾唔鍾意我？」阿朗問。
「好撚鍾意呀！！！」