是咁的，我嘅職業係幫人瞓覺: 二十五、言過其實
阿俊話自己由細到大，都有唔少人同佢講佢係適合做老師嘅人才。
老師啦、父母啦、義教過嘅小學生啦、私補學生啦、朋友啦、女朋友等等⋯⋯
但無論有過幾多人讚佢都好，佢心入面多多少少都會覺得外人只係言過其實。
「因為自己知自己幾多斤兩，所以永遠覺得自己唔係人地講得咁有料到。」
就好似你知道自己淨係識寫故事，但人地話你可以做編劇一樣。
咁當依種人，真係去做編劇，會諗咩呢？
我寫唔嚟，我寫到個劇本狗屁不通⋯⋯
即使一開始嘅夢想就係編劇都好，能力不足嘅自卑感仍然會令人寫劇本嘅時候會巨大嘅壓力同莫名嘅恐懼。
只係阿俊奇怪小小，佢都未開始做，潛意識嘅壓力同恐懼已經變成最大嘅阻力。
佢喺唔自覺嘅情況下，幻想無能力嘅自己真係教書嘅情景，而一切就悄悄植入喺佢潛意識之中，最後導致⋯⋯