《純愛》平安夜的天使 (完): 第九十一章

第九十一章

「嗯⋯呢到係⋯」

我再次擘大眼，睇到眼前一片薄霧，個景象就好似仙境一樣，周圍遙闊廣遠，一望無際⋯

「阿遊！」正當我仲迷茫緊嘅時候，一把熟悉嘅聲線喺我不遠處傳黎

我：「Kelsey！？」那副我一直掛念住嘅樣貌，呢一刻再次出現喺我眼前⋯我即刻上前攬住佢





Kelsey：「好耐無見，阿遊！😊」呢個咁陽光嘅笑容，睇黎真係佢⋯但係⋯

我：「我係咪⋯已經死咗？」見到Kelsey，啫係⋯

Kelsey：「呢到係我嗰日同你分開嘅地方，而係咪要同我走⋯呢次就要睇你喇⋯」啫係話，生與死就俾我自己話事⋯
「咁你諗住點呀？」

我：「我⋯好想同妳走，我好想同妳同你一齊係另一個世界共渡餘生⋯但⋯」

「阿遊，醒醒呀！阿遊！」突然，有第二把聲音喺耳邊響起，微弱而急速咁叫我個名⋯





Kelsey：「點解呀？你唔愛我咩？」

我：「唔係，但⋯」「阿遊⋯」
「我⋯」「阿遊⋯」
「我有要保護嘅人啦⋯我仲未黎得住，Sorry⋯」

Kelsey：「哈哈！」佢聽到我嘅回答卻唔嬲，亦都唔驚訝，反而喺到笑⋯
「果然你仲係我當時愛嘅男人，咁我都安心啲～」





我：「Sorry⋯」

Kelsey：「我sorry就真⋯我咁自私，早走咗一步⋯」

我：「係囉，揼低我一個喺屋企，無妳喺到大吵大鬧⋯好悶呀～」

Kelsey：「啊，話我嘈吖嘛！？唔愛你唔愛你唔愛你唔愛你⋯」佢嘅招牌小粉拳，好懷念⋯

我：「好好好⋯話說妳唔係到之後⋯」我講晒佢唔喺到之後嘅一切⋯

「乜你咁傻呀！」佢一聽到我當年諗住跳海，即刻眉頭深鎖，好激動咁話我

「咩話！？竟然有第個女仔錫你！？」我講到我見返曉桐嗰晚，唔單止佢詫異咗一下，連我諗返，都覺得好似發咗場夢咁

「你係咁Man㗎咩？🤨」我望住佢調侃嘅眼神，一邊淡淡微笑，一邊諗起，我同曉桐返HKU嗰次⋯又轉念一諗，如果嗰日無發生意外嘅話⋯我哋係咪就好似呢一刻咁，互相愛護住對方呢？我會唔會見返曉桐呢⋯





「我從來無忘記過你 但為咗日後殊途同歸嘅時候 俾你見返嗰個同當初一樣幸福嘅我 或者我要開始好好生活」