《純愛》平安夜的天使 (完): 第三十九章

第三十九章

「叮叮叮⋯」啪啪⋯咦？個鬧鐘呢？平時都喺隔離㗎⋯

「啪！」嗯？點解自己停咗嘅？算啦唔理啦⋯反正今日唔洗返cafe，繼續瞓算～

「叮叮叮～」「呀！好撚⋯」「嗯～」
點⋯點解有疑似人嘅物體會喺我間房㗎⋯仲瞓喺我隔離⋯唔係我琴晚酒後亂性呀⋯唔係喎⋯我琴晚無醉呀⋯算啦⋯睇下嗰個係邊個先再作判斷喇⋯

我熄咗個鬧鐘，慢慢咁扒落床，行到床嘅另一邊揭起被單⋯



「唉⋯點解妳會由隔離房行到入我間房嘅㗎⋯😐」

嗯⋯俾我諗一諗先🤔

=================================
12個鐘頭之前

我攬咗Lavina一陣之後⋯佢就返咗入去搵嗰兩公婆，而我就再喺外面露台留多大約廿分鐘到，之後阿倫仆下仆下咁行過黎同我講⋯



倫：「今晚大家咁高興～一齊對對佢啦！」佢雙手各攞住一枝香檳，飲到塊面紅哂，好似搽咗層胭脂上去到咁⋯

我：「喂，你知我⋯」

倫：「兄弟叫到～你冇得唔黎呀！正所謂：有福同享，有難就同⋯同⋯同⋯」條友已經醉到不省人事⋯正當我睇下點帶佢去Priscilla到嘅時候⋯

我：「唔係連妳哋都飲埋吖嘛⋯」Priscilla個人已經趴低咗喺張凳到，而Lavina就⋯

Lavina:「阿遊？哈哈⋯阿遊！」佢一嘢就飛撲埋黎，搞到我成個人向後仆街⋯



我：「喂⋯喂！」一撲完之後唔夠幾秒佢就瞓喺我心口位⋯
「咁⋯算點呀？四個黎嘅有三個冧咗，啫係睇黎聽日唔洗返工啦⋯」

最後我叫埋阿輝黎搵人幫手抬嗰兩公婆上的士，而Lavina...

輝：「咁你諗住點呀？你知佢屋企喺邊咩？」

我：「其實唔知⋯但我只知佢住我嗰邊附近⋯」當然唔好話佢住喺我隔離咁近喇⋯以阿輝呢條仆街嘅性格黎講嘅話⋯都係唔講俾佢知好啲⋯

輝：「咁⋯咁佢今晚瞓邊呀？」

我：「等佢醒咗先再走囉⋯唔係點呀⋯」其實我喺想送佢返我屋企先，到第晨早先再送佢返去嘅⋯但都係嗰句喇！阿輝呢條仆街⋯

輝：「咁呀⋯啊我都返去先啦！你就喺到慢慢尻等啦👋」講完呢句就成個浪子咁「瀟灑地離開」⋯



我：「屌🖕」

之後喺附近坐咗大約半個鐘之後，我開始頂唔順，所以截咗的士返去⋯ 但由於佢瞓到成隻豬咁樣，搞到我又要孭佢上屋企，喺樓下大堂嘅食蕉見到我孭住Lavina都陰陰嘴笑，我都一於少理送咗佢上房先⋯

返屋企之後，我抱起佢入Kelsey間房安置好個衰婆⋯
「瞓到成個細路仔咁⋯」

搞掂咗佢之後，我就去沖個涼同煮個宵夜，之後就去咗瞓啦⋯
=================================

「但都解釋唔到佢點解會入黎㗎⋯唉⋯ 落去買早餐算⋯」


「我哋嘅自我，係咪要醉咗先會顯現出黎呢？」