《純愛》平安夜的天使 (完): 第三十八章

第三十八章

「阿雯呀⋯」

「係⋯」

阿倫準備講求婚誓詞，而我就俾返個台佢啦⋯

阿倫：「我同妳一齊呢4年，我好開心好快樂，雖然有爭執過、離異過⋯ 但我哋最終都喺返埋一齊⋯ 作為一個喺大家眼中嘅小丑⋯可以遇到妳，係我李斯倫嘅幸運、我嘅福氣⋯」聲到呢度Priscilla已經全神貫注咁望住阿倫，睇黎Priscilla早就已經俾咗答案～
「林蔚雯，可唔可以嫁俾我？」





Priscilla:「可以！😊」聽到答案嘅阿倫即刻衝上前同佢擁吻，佢哋攬到好似糖黐豆咁⋯

我：「咁睇黎我可以收工啦😌」正當我想轉身離開現場嘅時候，喺隔離嘅Lavina卻捉住我⋯

Lavina:「你去邊呀？」

我：「我想去露台散下心⋯」

Lavina:「喔⋯」





講完嗰句我去後面餐飲台上攞幾罐啤酒，便轉身走去露台，嗰個會所喺大樓嘅52樓，靠住鐵杆，一邊飲著啤酒，一邊望著一片漆黑嘅晚空，更顯出我心中嘅灰暗⋯

我：「若問世界誰無雙⋯」

=================================

「會令昨天明天也閃亮
定是答：你從無雙
多麼感激竟然有一雙我倆」





Kelsey:「你⋯」

我：「妳係我心愛嘅伴侶、最得力嘅助手、最好嘅女朋友同最刁蠻嘅公主～雖然我哋只一齊咗兩年，但由妳話我知妳鐘意我嗰刻開始，我就好想用之後落黎嘅時間同妳一同度過，一齊制造甜美嘅回憶，同照顧妳、呵護妳⋯所以，梁敏晴，will u marry me？」

Kelsey：「嗯！我願意呀！我願意呀！我願意呀！」佢一邊講一邊抱實我⋯

我：「喂⋯我⋯未娶妳就俾⋯俾⋯妳焗死啦⋯」佢一嘢攬住我條腰，開心到忘哂形咁⋯

Kelsey：「唔準死呀030⋯起碼結咗先死⋯」

我：「咁⋯咁妳放手先啦⋯就⋯就死啦⋯」

Kelsey：「唔放呀030」





=================================

我：「又話結咗先死嘅⋯衰妹妳偷步呀⋯」眼淚如瀑布般湧流，回憶嘅苦澀、痛擊再次侵蝕我嘅靈魂⋯

「都估到你又想收埋自己㗎喇⋯」聽到Lavina行緊埋黎，我馬上抹返啲眼淚，但點抹都抹唔哂⋯

Lavina:「點呀你？」

我：「冇嘢呀⋯替我兄弟開心吖嘛⋯」

Lavina:「你唔好呃我啦⋯你由細到大都唔識講大話嘅⋯」

我：「又俾妳發現咗添⋯」
「曉桐⋯可唔可以俾我攬住妳一陣？」我並非對Lavina有任何遐想，而係我只想搵個人可以俾我依靠一下⋯





Lavina:「好呀，但你⋯」佢話口未完，我便直接攬住佢⋯

「多謝妳等咗我咁耐，sorry我現加仲未俾到答案妳⋯」

「慢慢黎啦⋯我會繼續等你⋯」



「愛一個人唔係壞事，但盲目嘅愛只會對彼此造成受傷」