《純愛》平安夜的天使 (完): 第二十七章

第二十七章

「好好食呀～」

「一個雪糕黎咋喎⋯有咁好食呀⋯」

買完個餐之後，個衰婆⋯ 借啲意就叫我繼續孭佢⋯

我：「請問呀周曉桐小姐呀⋯點解我仲要孭妳呢？啱啱先孭完咋喎⋯」



Lavina:「我頭先係話『我要你孭我』，但我冇話孭到幾時喎～」今次仆街了⋯睇黎可以打定電話同阿倫講我之後幾日，唔係！幾個禮拜唔返呀🤦‍♂️
「你放心～你孭到我到碼頭就得㗎啦～唔洗請假喎～」

我：「真係嘅！？咁行到碼頭要幾耐呀？」我突然感受到人性嘅溫暖

Lavina:「一般人行就十五至二十分鐘啫，同你行就⋯」我已經無聽落去⋯我屌咩！我唔洗食嘢呀！啲爆谷同嘢飲都俾你吞曬，現加又唔俾我食嘢！今日唔鬧爆妳我唔姓何！！！

五分鐘之後

Lavina:「去啦！小遊！go~」



我：「唉⋯係～」我當然唔會咁鬧佢啦！我聽日唔上想連登post呀⋯ 更何況佢係Lavina... 真係女人係有特權㗎⋯ 更何況係對一個有好感嘅女人呢⋯

Lavina:「阿遊，黎～呀～」佢左手攞住袋麥記，右手伸咗條薯條比我呀

我：「妳估我係阿倫呀？」

Lavina:「咩喎～人哋見到你孭到我咁辛苦～所以咪想慰勞下你囉～」你都知辛苦呢！咁就好心妳落黎啦😭仲慰咩勞呀⋯

我：「唉好啦，妳餵準啲呀！」由佢算啦⋯廢事佢又唔開心⋯



結果，去碼頭嗰十五分鐘，我俾佢搞到一面蕃茄汁⋯就係因為佢對唔準⋯ 行嘅途中啲旁人嘅眼神，好似見到「外來生物」，搞到我完全唔敢停低⋯唉⋯希望碼頭嗰邊有廁所啦⋯

到碼頭之後，我問佢廁所喺邊之後就一枝箭跑到過去，出返黎之後⋯

Lavina:「呢到過咗咁耐都係無變～」見到個幾新嘅荃西站出口,一個就拆嘅碼頭同一架雪糕車⋯
「嗰架雪糕車喺我小個嘅時候就已經喺到⋯ 過咗咁多年⋯佢都如常咁⋯為人們帶來歡笑同希望⋯」佢突然其來咁感性發言，可睇得出佢對呢度嘅思念同感情⋯ 於是我⋯

我：「呀想食雪糕添～妳食唔食呀？」

Lavina：「我ok呀～不過食埋個麥記先啦～」

我：「哦。」我即刻食完個包就行過去買雪糕
「唔該，我要兩個甜筒呀。」



？：「好，一共$20呀。」負責呢架雪糕車嘅人一個60歲嘅老伯伯，佢面上和藹可親嘅表情，要經歷咗幾多嘢先會表現出咁嘅神態了⋯

我：「返黎啦～攞嘢啦衰婆～」

Lavina:「衰你個頭呀030本小姐不知幾好人呀～」唔否認老喎～
「我同你同年㗎～我係阿婆，你就阿公啦😏」

我：「係啦係啦⋯食嘢啦～」




「真心相愛嘅人係唔會有傾得完嘅一日，因為佢哋懂得點制造回憶俾對方互相回味」