《純愛》平安夜的天使 (完): 第七章

第7章

倫：「係喎阿遊，你31號join唔join個reu party？」


我：「你知我唔去party㗎😒同埋嗰日我有人約呀。」


倫：「喂喂喂！邊個先？係咪嗰位小師妹呀～」






我：「我都嚇咗一下。佢無啦啦喺找錢比佢嘅時候問我31號得唔得閒，咁我又唔好意思拒絕佢，所以咪陪下佢囉⋯」


倫：「咁咪好囉！你都係時候放低啦⋯」
==========================================


5年前





當時嘅我係一個好唔鐘意「跟大隊」嘅人，所以一入U我都無參加啲團體活動，所以無點識fd，阿倫係同科時佢r我去陪佢溫書先識嘅⋯


我好記得嗰日係12月15號，臨放聖誕假前，我同阿倫去圖書館溫書嘅時候，有個女仔無啦啦行過黎問我⋯

？:「請⋯請⋯請問，你31號得唔得閒呀？」當時我著住一般紅黑格恤衫同牛仔褲，嗰時嘅我仲未gel頭，基本一起身就換衫刷牙出門口～


我：「妳⋯妳⋯係？」我當時發緊佝瞀






「Ke…Kelsey!!!」喺我隔離嘅阿倫一見到Kelsey就企咗起身，都好難怪阿倫當時咁大反應嘅⋯Kelsey話哂係當年咁多女仔中嘅清泉，唔蒲唔收兵，但佢158嘅身高同副眼鏡成功吸引咗唔少狗公，但我同阿倫都唔係，所以都比人哋傳過唔少「緋聞」


Kelsey:「你知我係邊個？」


倫：「當然啦，你話哂係⋯唔唔⋯」我馬上用手up住佢個死人「喇叭口」


我：「我ok呀，但點解妳會搵我呢？你唔係有唔少fd陪妳㗎咩？」


Kelsey塊面漸漸變紅:「哦⋯⋯咁⋯嗰啲狗公我無咩興趣，25號佢哋已經想約我去黎，搞到只好陪屋企人過，咁⋯⋯總之要你陪我啦！」






我：「妳無聽過啲緋聞咩？」


Kelsey:「吓！你哋真係gay㗎！？」


我/倫：「當然唔係啦！」


Kelsey細細聲講咗句「Yes!」我扮聽唔到


Kelsey:「咁就咁話啦！呢個係我電話號碼。」佢俾咗張紙條比我，上面有佢嘅電話號碼






我：「咁⋯⋯咁」


Kelsey眼水汪汪咁問我「你唔係唔黎呀？😢」唉，我最驚就係女人喊⋯⋯


我：「當然唔係啦！😅」


Kelsey:「咁一言為定喇喎！我走先啦88💨」佢即刻9秒9跑開咗


倫：「佢點知我哋係到㗎？」






我：「事但啦⋯」

=================================


倫：「喂！喂！阿遊生！Hello?」


我：「喔！做咩呀？」


倫：「又發佝瞀🙄 真係服咗你呀⋯⋯」






「回憶：係最美味嘅甜點，同時係最苦澀嘅毒品。」