今年暑假，我去咗“機場”打工: 二十九
一上到去３樓，點知，竟然撞到閪面阿亮。
講開又講，啱啱入大門嗰陣都唔見佢，可能又上黎幫人頂更。
阿亮佢一見到我，就閪住面，唔講仲以為我係佢殺父仇人。
阿亮：「喂，你去邊呀？你今日唔係守更衣室咩？」
我：「係呀，我上黎搵一搵人咋嘛。你呢？你唔駛守門口咩？」
點知，佢即刻好嬲咁瞪住我。
「你講乜野守門口呀？你當我係狗呀？！」
佢旁邊嘅拍擋，聽完都掩住嘴笑。
「um。。。我冇咁嘅意思，你啱啱問我係咪守更衣室，我先會問你係咪守門口。」
「你唔撚駛再講喇！」
阿亮佢嬲到面紅耳赤。
我都好無奈。
依個時候，我見到。。。
陳Sir佢，竟然行緊樓梯上黎！！！
佢竟然大堂都冇去，直接上咗黎。。。
屌！要快啲搵到小嵐！！！！
小嵐你喺邊？？？
如果問阿亮佢地，佢地一定唔會話我知小嵐喺邊間房。
陳sir愈行愈近。。。
喺我驚惶失措時。
一雙白滑長腿搖曳著短裙，Jessie行到我面前。
「咩事呀？阿邦？」
我哄近她，費事畀阿亮聽到，細細聲咁向Jessie講。
「小嵐以前個中學老師上緊黎，我唔想畀佢見到小嵐。。。你有冇見到小嵐呀？」
「我啱啱喺休息室出黎，入面唔見佢呀。」
「哎呀。。。係呀？。。。」
Jessie再道。
「咁不如我地叫個阿sir入房先，跟住我地再搵小嵐，咁咪唔會撞到啦。」
「嗯！好！但係個阿sir見過我同小嵐出街，會認得我，Jessie，你可唔可以。。。」
我諗起尋晚Jessie打嘅電話，佢話過要搶返我。
唔知Jessie佢，仲會唔會肯幫小嵐。。。
只見。。。
Jessie用肯定嘅眼神望住我。
「我幫你叫佢入房啦！你就搵小嵐，分頭行事吖！」
我即刻露出感激嘅眼神。
「嗯！好呀！多謝你呀Jessie！」
「傻嘅咩，有咩好多謝。行動啦！Go！」
「嗯！」
語畢，Jessie快步的走向樓梯口。
而我就閃到走廊一旁。
陳sir一上到黎，Jessie就走到他面前，正打算開口。
點知，閪面亮佢，隔在Jesssie同陳sir之間，道。
「先生你好，請跟我黎吖。」
Jessie向我拋下一個無奈眼神，接著望返住陳sir佢地。
「不如我帶依位先生吖。。。」
閪面亮狐疑地望住Jessie。
「點解呀？你好得閒咩？」
個阿亮而家連對Jessie都咁唔客氣，條撚樣嘅氣焰愈來愈高。
Jessie佢支吾以對。
「um。。。我見有少少時間，想幫下你地啫。。。」
阿亮語氣加強。
「邊個要你幫呀，你專心做返自己野啦！」
旁邊嘅陳sir終於開腔。
「哎，無所謂啦，唔駛咁惡嘅，依位小姐咁好心，我跟佢行就得喇。」
但係跟住，個撚樣亮，挨近陳sir耳邊，細細聲咁講咗啲野。
陳sir點點頭。
之後，陳sir向Jessie講。
「靚女呀，你個好意我心領喇。我跟返依個哥哥仔得喇。」
Jessie：「um。。。」
亮：「um乜啫，返去啦。」
Jessie佢已經無能為力。
咁樣。。。
唯有我小心啲，睇住附近，唔好被陳sir撞到小嵐。
陳sir臨別Jessie前，向Jessie展出一個親切的笑容，望落好正派咁。
但佢隻手，突然伸到Jessie臀部，摸咗下。
Jessie縮開。
陳sir笑笑的道。
「拜拜靚女。」
表裡不一嘅死淫賊！
跟住，閪面亮領著陳sir一直走，而我一邊向後走，一邊留意住附近，睇住小嵐佢，會唔會從其中嘅房間出黎。
閪面亮將陳sir，帶到一間房間前，停下了腳步。
我舒一口氣，總算冇撞到小嵐。。。
閪面亮推開房門。
入面竟然傳出風姐嘅聲音。。。
風姐：「陳總，入黎先，睇下依個啱唔啱心水？」
我望過去，見唔到房入面。
但係就見到，房門外嘅陳sir，喜出望外咁指住房內，再道。
「小嵐？！」
咩話？小嵐？？？！！！！
仆街吖！！！原來風姐同阿亮，一早已經安排咗小嵐喺房入面！！！！！
臭閪風姐道。
「咦？原來識架？哎呀。。。唔好意思。我換過第二個畀你呀。」
只見陳sir佢揚一揚手，道。
「唔駛啦。。。得架喇。。。」
「咁呀。。。咁你地慢慢喇。我出去先。」
風姐條死八婆，從房間中走出來。
而陳sir就保持住，那親切的笑容，走入房中。。。
我feel到。。。
我嘅怒火，從我靈魂深處，直湧上天靈蓋！
我衝過去風姐到。
閪面亮佢，另轉面見到我，即刻攔住咗我。
我忍唔住，開口屌。
「臭閪！點解你安排小嵐招呼佢？你突登架？！」
風姐佢，不慌不忙咁，揚起嘴角。
「咩呀？？都唔知你講乜，個客有要求，我又覺得小嵐合適咯，咪安排畀客人囉，有咩唔啱呀？吓？」
我愈發激動。
「你收皮啦！上次你明明知道，小嵐唔見得佢！你都仲要咁做！你分明玩野啫！！！」
只見風姐的笑容，更加得戚。
「哼，係呀，咁又點撚樣吖，你吹呀？我知個男人係做老師，見你上次咁緊張，我就估到小嵐係佢學生啦！」
「你。。。」
「我係突登呀，咁你做到啲咩吖？」
我用力咁，想甩開阿亮，衝過去打鳩條臭閪。
但係此時，阿亮個拍擋都趕到過黎。
條友都幾大隻，同阿亮一齊捉住我。
「你地行開呀！！！！！」
風姐佢退後兩步，再笑笑。
「哈哈。。。見到你咁撚樣，真係心涼！我講過，要玩死你，你知架。。。」
「你個死八婆！！！！！！」
「唉。。。你地兩個，快啲捉走佢啦。唔好畀佢阻住啲客happy呀。
阿亮二人應道。
「係！」
然後更加用力咁捉住我。
我拚命的爭脫。
風姐條八婆，再張閪口。
「啊。。。唔知小嵐佢，而定點呢？哈哈。。。」
我發誓！如果有機會，我一定要向風姐依個八婆報仇！！！！
我轉過身，對住房間。
但佢二人，仍是緊緊的捉住我。。。
我一定要甩開佢地！阻止入面嘅一切！！！
小嵐。。。。。
儘管身體被捉住了，但我沒有放棄。
我發了瘋似的，不停大叫。
「救命呀！！！有冇人呀！！！喂！！有差佬查牌呀！！！！」
風姐立即緊張的道。
「喂！屌你兩個，快啲掩住隻癲狗個口啦！」
「喂呀！！有冇人呀？救命呀。。。嗚嗚。。。。」
我嘴巴被阿亮掩住了。
跟住，個大隻拍擋，從後用力咁捉住我雙手。
而阿亮就用手臂箍住我條頸，另一隻手繼續掩住我個嘴。
我瞬眼，連呼吸都變得困難。
我被佢地夾住，一步一步咁拉扯住我走。
時間已經過咗一陣喇。
小嵐呀。。。。。
依個時候，一個高佻嘅身影走到旁邊。
向小嵐嘅房門走去。
係Jessie！！！
風姐見況，立即張開閪嘴。
「喂！你做乜野呀？！」
Jessie冇理到佢，走到門前，敲咗兩下，直接打開房門。。。。。
「唔好意思呀，有差人查牌呀。」
Jessie開咗門後，講出依句。
依個時候，我趁阿亮同拍擋有所鬆懈，即刻甩開佢地，走向間房。
來到門前，我見到。。。
小嵐仍是衣衫齊整。
而陳sir就脫了上衣。
應該未發生咩事。。。
陳sir見到我同Jessie，即刻慌張咁著衫。
小嵐佢，就跑到我面前，淚眼盈眶咁抓住我手臂。
我摸摸小嵐的頭，道。
「冇事冇事。。。」
Jessie看看我們。
「喂！真係有差人呀？？」陳sir問道。
我同Jessie對望一下，Jessie道。
「好似係呀。。。」
臭閪風姐走過來。
「唔好意思，冇差人呀，誤會黎架咋。」
然後，佢將小嵐推回房中。
我忍唔住，一手推開風姐個八婆！再道。
「喂！你好喇喎！」
風姐激動的罵。
「做咩呀？你想點呀？！吓。打我呀？」
小嵐再次走到我身邊，撓實我手臂。
「阿邦。。。」
「唔駛驚，冇事。」
風姐接著潑婦罵街。
「咁而家點撚樣呀？吓？唔駛做生意喇？」
依一刻，我真係好想好想。
大大聲講：「而家我地唔撚撈！」
再揚長而去。。。
但係現實，我冇資格咁做。
我抓住小嵐隻手。。。
身旁，Jessie佢淡淡的說。
「依個客，我跟吖。」
風姐：「你話跟就跟呀？個客一定受架喇？」
我走前，真係好想郁鳩條八婆！
而阿亮二人都走前來，擋在風姐面前。
兩邊好似黑幫晒馬咁，互望著。
此時，陳sir走出來。
「得喇得喇，唔好嘈喇，依個靚女都得喇。」
我睇陳sir，可能礙於身份，怕鬧大件事。
我再望返Jessie。
Jessie佢，向我展起溫暖嘅笑容。
再用嘴型，說：「冇事喇。」
陳sir：「咁樣得啦吓嘛，冇事啦，就咁算喇。」
然後，陳sir慌忙的，拉住Jessie手臂，將佢拉入房，再關上房門。
望住門關上的一剎。。。
我心中，百感交雜。
明明Jessie佢，有足充恨我嘅理由。
佢點解仲甘願幫我同小嵐。。。
我心入面，有點痛。
Jessie入咗房。
小嵐仍是緊緊的，撓住我。
我好想可以有能力，保護我所有在乎嘅人。。。
身後，臭閪風姐又再講野。
「點呀，係咪覺得自己好冇用？好廢呀？吓？」
我冇回應佢，拖住小嵐走。
條臭閪仍是不收口。
「唔開心咪唔好撈囉，我都唔想見撚到你地呀！」
我走過佢地身旁時，細細聲講。
「睇你幾時仆街。。。」
臭閪風：「你講乜撚野？」
我轉過頭，對住佢大聲講。
「我話呀，睇你幾時仆街呀！！！」
風姐手指指，就爆血管咁款。
「你。。。」
我再道：「條樣吖，八婆！」
風姐力竭聲嘶的道。
「我要炒撚咗你！」
此時，John哥佢走了過來，佢身旁邊，有個略胖的男人。。
John哥：「你地咩事？？做咩咁嘈嘅？」
風姐指住我，道。
「依個仆街仔呀，佢。。。」
風姐正想向John哥屌鳩我時，佢注意到John旁邊嘅男人。
之抄後風姐，立即收起姿態，恭恭敬敬起上來。
「咦？梁sir你黎咗呀？你好你好。」
「嗯，你好。」
個男人簡單的回應風姐。
風姐叫佢梁sir？莫非個男人係差佬？
John哥佢走近我，細細聲在我耳邊講。
「邦仔，你唔好咁燥住，而家個阿sir巡緊我地鋪頭，有咩事，遲啲我再搵你傾，。。。」
我望望個男人，著住套西裝，真係唔係普通客人。
我望住個男人，而個男人就一直望住小嵐。
其實我仲想繼續爆鳩風姐。
但如果而家嘈，我驚會令John哥難做。。。
我點點頭，回應John哥。
「嗯，好。遲啲傾。」
然後，我拖住小嵐轉身走。
而佢地就繼續寒喧。
我將小嵐，送到休息室門口。
小嵐：「阿邦。。。」
「嗯。冇事喇，小嵐呀，陣間。。。Jessie出返黎，你關心下佢吖。」
「嗯！我會架喇。。。」
小嵐仍是不開心。
我便哄哄佢。
「小嵐呀，今晚放工，我地再約佢地去食宵夜吖，好唔好？」
小嵐有點揚起眉頭。
「好呀！今次，我要請Jessie！」
「嗯，好啦。」
我摸摸小嵐個頭。
小嵐稍低下頭，道。
「Jessie佢。。。真係好好呀。」
冇錯，好到令我感到愧疚。
小嵐抬頭望我。
「阿邦呀，我地以後一定要報答返佢。」
「好！」
我捉住小嵐雙肩。
「小嵐呀，你有咩事，要即刻打畀我。知唔知？」
小嵐佢點點頭。
「嗯！知道！」
我擁著小嵐，再親佢一啖。
我內心，在記掛Jessie。
希望佢唔好出任何事，否則我會好唔安樂。。。
同小嵐攬咗陣後，我同佢道別，係時候落返去更衣室開工。
「吓？條八婆擺明突登玩野喎！」
發仔聽完我講，都激動起來。
我：「嗯。。。」
表哥搭住我膊頭，道。
「唔好唔開心啦，依個世界總有依啲仆街，係要搞到人唔開心佢先安樂，依啲撚樣心胸咁狹窄，好快過身架喇！」
我深深嘆一口氣。
發仔搭住我另一邊膊頭，道。
「唔駛咁愁啦，今晚一於啤啤佢！」
「嗯，好啦。。。」
表哥：「或者遲啲，我同你搵John哥傾下，咁樣條臭閪應該冇咁囂張！」
我雙眼發光：「好呀！」
此時，門口入來的客人，表哥道。
「好啦，咁而家打醒精神，專心做野先！」
「嗯。」
儘管我心入面好唔安樂，但我要繼續努力做野。
我知道，依一刻我可以做嘅野唔多，只好繼續做好本份。
條臭閪風姐愈係打擊我，愈想我走。
我就偏係要留喺度，篤撚住佢眼鼻！！！！！
睇住黎啦！臭閪！我一定會報仇！
開咗陣工，我始終有啲唔放心。。。
我打開wtsapp睇睇。
發覺到Jessie佢在線上，我即刻同佢講野。
「Jessie，你冇咩事吖嘛？」
「我。。。唉。。。」
吓？陳sir條禽獸，真係對Jessie亂黎？
「我而家即刻上黎！」
Jessie在打緊字，但我等唔切睇！
我照直同表哥發仔講，話想上去搵Jessie。
佢地兩個聽完，都叫我即刻上去。
跑咗一段樓梯，我再直跑到休息室門口，
Jessie在走廊，挨住牆邊。
我緊張地打量Jessie全身。
「點呀？Jessie？個男人對你做過咩黎呀？？！！！」
Jessie佢望住我，只係笑笑。
「傻嘅咩，我諗住講下笑咋嘛，你唔駛咁激動吓嘛。」
我還在喘著跑步的氣。
「唔好笑呀！唔好咁樣講笑呀！」
Jessie佢，愣一愣。
「知喇。。。OK！」
佢笑住作一個OK手勢。
我仲係喘緊氣。。。
「咁。。。佢真係冇對你點吖嘛？」
Jessie佢拍拍我膊頭。
「傻傻地，我真係冇事呀，我一出手用啲方法，好快就令佢繳械啦，哈哈。。。小case啫！」
望住Jessie自信開朗嘅笑容，佢睇黎真係冇事。
我終於舒一口氣。
「今晚我同小嵐，請你食宵夜吖。」
Jessie佢望住我。
「咁樣好咩？要小嵐請個情敵食野。」
「吓？。。。」
Jessie佢，又再哄前我。
我好似前幾次咁，仍舊心跳加快。
她說。
「我講過，會搶你返黎架嘛，我唔係講笑架！」
我又開始喘氣，但好像不是因為跑樓梯。
「咦？阿邦你喺度嘅？」
小嵐從旁邊走過來。
Jessie立即企直返，而我亦忙著收拾慌亂嘅呼吸。
我回應小嵐。
「啊，係呀。。。哈哈，諗住上黎，睇下你地。」
小嵐佢過來後，隨即嬌滴滴咁攬住Jessie，道。
「啱啱Jessie一出黎，我就即刻關心佢，Jessie佢好叻架，一啲事都冇，仲教我點樣令男人快啲繳械添呀。嘻嘻。。。」
小嵐佢把臉貼在Jessie肩膀上。
而Jessie佢，就有著與紫繞一樣，被小嵐纏住時嘅難為表情。
望住佢地，我覺得有種帶有內疚嘅幸福感。