今年暑假，我去咗“機場”打工: 十七
「我。。。今晚。。。唔得呀。。。」
「點解嘅？」Jessie微微皺眉。
「我約咗人食宵夜。。。」
「哦，係呀？係。。。女仔黎架？」
唉，其實我一早預咗Jessie會咁問。
但我就未諗到點答好。。。
我：「um。。。唔知呀。。。哈哈。」
我究竟講乜鳩？！乜鳩野叫唔知呀？？？！！！！
只見，Jessie聽完後，稍稍低下了頭。
沒多久，佢再次向我，展露出開朗的笑容。
「咁咪好囉，哈哈，恭喜你呀，咁我。。。走先喇。」
「Jessie呀。。。」
「嗯，阿邦呀，係咁啦。。。係咁，就啱架喇。」
還是開朗的笑容，但Jessie眼中，有點兒哀傷。
Jessie抖咗一啖氣，再道。
「哈哈。拜拜喇。」
「Jessie。。。」
此次，到Jessie沒等我說完。
佢揮著手，轉過身去。
我看著Jessie嘅背影。
佢今晚真係著得好靚，好迷人。
但係，佢嘅背影，一直都係低著頭，不開心的。
送別完Jessie，我內心一直好糾結。
究竟，Jessie心入面點諗。
我個心，又究竟想點。。。
「阿邦。」
我認得出，身後嘅聲音，屬於小嵐。
另過頭來。
小嵐今日，著得好日系，一條淺粉紅色嘅及膝連身裙，睇落依舊簡潔明亮。
較特別，係佢今晚紮咗一條，斜斜地嘅短鞭，添加了少女的味道。
望落佢對眼，好似小貓咁精靈動人。
望耐啲，雙眼開始像飲醉。
佢同Jessie真係好唔同嘅風格。
我究竟想點。。。
「做咩呀你？傻咗咁嘅？諗緊乜呀？」
「吓。。。冇呀冇呀，諗緊。。。食咩宵夜好啫。」
「哈哈，跟我黎吖！我知食咩好！」
「嗯！好呀！」
小嵐，帶我黎咗，一間開到好夜嘅，舊式嘅地檔茶樓仔。
門口有一個銀色蒸爐，上面搭住一棟棟的點心籠，蒸氣不斷從蒸爐升出來。
估唔到，小嵐竟然會鍾意食點心做宵夜。
我同小嵐，走入去之後，搵到一張圓摺枱坐。
小嵐：「哎，你坐底先，我出去攞野食！」
「唔駛啦！我去攞啦。」
「唔呀！你今日係我恩人，你坐喺度等食啦。」
小嵐一個瞇眼的窩心笑容。
我只好從命，我坐喺度，望住小嵐，佢不斷咁打開啲點心籠，好似尋寶咁。
然後佢再將，幾個選好的點心籠，搭成一棟。
之後再心滿意足咁走過黎，將一棟的戰利品放到桌面。
「哈哈，睇下啱唔啱食吖，我攞依啲，全部都係最出名架。」
「嗯，兩個人，唔駛食太多架。」
「唔得架，你幫咗我咁多！你唔夠，一定要再嗌架！」
望住小嵐，驚死我食唔飽個樣，好得意。
我同小嵐，好開心咁食野。
食食下，我見到小嵐食豉汁鳳爪，食到兩邊嘴角都有醬汁。
我望住小嵐，陰陰嘴笑。
小嵐隻為食貓，傻頭傻腦咁望返住我。
「吓？咩事呀？笑咩呀？」
「冇野呀，食野啦。」
我好賤咁，決定唔提佢。
食到尾聲，小嵐開心地拍拍手。
「做咩拍手嘅？」
「因為開心囉！係時候要食甜品喇！流心奶皇包！我黎喇！耶！！！」
語畢，個傻妹就一支箭咁標咗出去攞包。
哈哈，佢嘴角仍然有醬汁。
小嵐出去攞包時，老闆娘笑住咁提一提佢抹嘴，小嵐愕一愕然，之後瞇住眼咁睥我。
「做咩唔提我喎！」
「哈哈。幾好睇吖。」
「哼！我食晒啲奶皇包佢，唔畀你食！」
「成三個咁多，你點食得晒呀？」
「食得晒架！我最鍾意食奶皇包，要我餐餐淨係食奶皇包都冇問題架！」
「傻妹！」
結果，小嵐竟然真係想食晒啲奶皇包！
好彩我對佢有恩，佢最後，依依不捨咁，搣咗半個畀我食。
我：「哼！估唔到，你咁樣對恩人架！」
「哈哈，咁啲奶皇包，太好食吖嘛。。。」
小嵐，一邊食，一邊流露感動嘅眼光。
食完野，我同小嵐並肩住行。
旺角的黑夜，有很多星星。
我瞇住眼，一直周圍望。
小嵐笑笑地咁，道。
「喂呀，你咁望法，遲啲成世都係咁嘅樣架喇！」
「咁依度多星星吖嘛！」
「嘻嘻。傻傻地。。。」
可能係我依刻嘅心情，太開心，我不其然，哼起eason嘅歌。
小嵐拉拉我手臂，動作好似一個小女孩。
「你哼緊咩歌呀？」
「Eason嘅歌囉，你有冇聽Eason架？」
「都有架。。。但我聽韓國歌多。」
唉，小嵐佢依啲年紀嘅女仔，鍾意聽泡菜歌，一啲都唔奇。。。
但我就真係麻麻地泡菜歌。
「你有冇聽韓國歌架？」小嵐興高彩烈地問。
「哈哈，冇呀，好少。」
點知，小嵐拿出手機同耳筒。
「你聽下吖。好好聽架依首，我最鍾意聽依首！」
我本身真係對泡菜冇乜好感，但盛情難卻，只好順下小嵐意思。
點知一聽，哀傷嘅前奏，同磁性嘅男聲，都好熟。
以前成日聽，但一時間又講唔出係咩歌。
直到歌詞唱到。。。。。
婆哥Shit Da，婆哥Shit Da。。。
想你/보고싶다 -《天國的階梯/천국의계단》主題曲 - 金範秀/김범수 唱
https://www.youtube.com/watch?v=-eVLAkKXvL0
係天國的階梯嘅主題曲。。。
依首歌冇10年都有8年，小嵐又會鍾意聽咁舊嘅歌？
我聽咗一陣，除低一邊耳筒。
「點呀，好唔好聽呀？」小嵐晶瑩的眼睛，迎望著我。
「好聽呀，原來。。。你鍾意聽嘅韓國歌，就係依啲？」
「嗯！」小嵐可愛的點點頭，然後續道。
「我以前成日同媽媽睇韓劇，所以聽好多韓國歌。」
「咁。。。而家新嗰啲呢？」
「而家好少聽新嘅，而家啲韓國歌淨係得啲節奏，嘭嘭嘭咁，都冇意景嘅，所以冇乜聽。」
「係咩？我都咁覺得。哈哈。。。」
「啊。我都想聽呀，畀一邊我吖。」
小嵐伸手想攞，咁啱我都想攞畀佢。
就係咁，我唔小心咁。。。捉住咗佢隻手指。
小嵐嘅手指好柔軟，一掂即刻覺得好幸福。
依刻好似停住咗咁，我呆咗咁，唔識得郁。
而小嵐佢都呆呆地，然後望住我傻笑。
我個心，跳得好快，我感覺到我塊面應該好紅。
「阿邦呀，你。。。捉住咗我呀。。。」
「啊！唔好意思。。。」
跟住我好似掂到滾水咁，縮返隻手。
之後我地兩個，即刻扮冇野發生過，四圍張望。
行多幾步，我地都冇出聲。。。
然後小嵐拎起咗，吊吊fing嘅耳筒。
佢戴上咗耳筒，依一刻起，我地聽住同一首，天國的階梯。。。
婆哥shit da。。。婆哥shit da。。。
我同小嵐，用一條耳筒線連結住，漫步在街頭。
真係好幸福。。。
行行下，我低頭甜到笑。
望望小嵐，佢都一路望住前面，一路開朗地微笑緊。
我覺得，依刻好似同小嵐，喺夜空中走著，周圍都是閃爍的星星。。。
但係。。。
星空銀河，都有盡頭。
話咁快，我地行到巴士站。
條人龍仲要有啲長，睇黎應該好快有車。。。。。
我同小嵐，依然無話，只係肩碰著肩，聽著歌，等巴士。
我心諗：架車可唔可以死火，我唔想咁同小嵐分開呀！！！
我瞄瞄小嵐，低著頭的小嵐又瞄一瞄我。
「阿邦呀。。。我就快有車喇，你。。。畀返耳筒我啦。」
「哦，好。。。」
我不情願咁將耳筒畀返小嵐。
我望住頭耷耷嘅小嵐，都有啲唔開心咁。
我鼓起勇氣。。。。。
我道。
「小嵐呀，不如我送你返屋企吖。。。」
「吓。。。唔。。駛啦。」
「哦。。。咁好啦。。。」
唉，毒撚真係，最忌有自信。。。
送人返屋企，一睇就知圖謀不軌啦！！！
定係小嵐只係怕羞？？？
我個腦一時間，不停咁猜想。
諗諗下，巴士都埋站。
「拜拜喇。。。」小嵐揮手道。
「嗯。。。拜拜。」
前面嘅乘客一路上車，我同小嵐一路向前行。
直到小嵐登上巴士後。
我。。。。。
「嘟。」
我都上咗巴士。
仲即刻嘟埋八達通。
「um。。。我。。都係送你吖。」
「都話唔駛啦。。。」
小嵐佢。。。笑得好甜，好開心！
我地上咗上層，前面嘅乘客都幾多，希望有得連住坐。。。
好好彩，後方有一對連位。
我好醒目，讓小嵐坐窗口位。
坐低咗之後，我地唔知講乜好。
小嵐遞咗一邊耳筒畀我。
「一齊聽吖。」小嵐塊面紅紅地咁。
「好呀。」
我拎耳筒上手之後，睇睇個耳筒。
上面寫住R，但我喺小嵐右邊。
我道：「小嵐呀，畀左耳筒我吖。。。」
小嵐的明眸注視住我，佢塊臉好紅。。。
我傻住咗咁，望住佢。
我諗返起，第一次見佢，佢個喊晒口嘅傻樣。
我地互相對望。。。
然後，小嵐羞澀的道。
「唔駁換啦，啱呀。。。」
小嵐，戴上L耳筒喺左耳。
然後，佢右邊慢慢，挨在我膊頭上。。。
「咁。。。咪。。。聽到囉。」
吓？咁。。。。
我成個人呆晒，幸福，係幸福呀！！！
好開心呀！！！！
我心入面，好似有好多煙花，散射上夜空！！！！
小嵐佢為我遞上耳筒。
「做咩唔聽嘅。。。」小嵐把聲好柔，好怕羞。
「嗯！聽！」
我都將耳筒帶上。。。。。
車窗外，街燈的黃，一霎一霎的映進來。
膊頭上，多了少許重量。
小嵐的髮香，不時幽幽的飄進。
好幸福。
https://www.youtube.com/watch?v=-eVLAkKXvL0