今年暑假，我去咗“機場”打工: 十六
告別壯士阿亮後。
我落完樓梯，行向大堂。
迎面而來的，係發仔。
發仔：「喂，Hello。」
「Hi。」
其實上次分貼士之後，我一直想再多謝發仔。
發仔展露親切笑容，道。
「喂，麻煩晒係你喇要。」
「唔好咁講！有咩幫，我都會幫。仲有。。。上次啲貼士，多謝你唔介意呀。」
「屌！講依啲！」
發仔豪邁及不拘小節嘅性格，真係好值得做朋友。
「嗱！講返正經野先。今日有個同事，奶咗野，發燒。所以要麻煩你，幫手睇一睇大堂。」
「嗯，我知架喇，表哥同我講咗。我會盡力！畀心機做架喇！」
「哈哈，又唔駛咁誇嘅。嗱！依度好簡單嘅啫，主要都係送下野飲同野食，畀啲沙發上面嘅客，就係咁easy。」
「係！」
「我都會喺附近，但係呢，如果你搵唔到我，你可以搵吧台嗰位姐姐。啊！唔係，係妹妹！」
「妹妹？」
「係呀，雖然佢仲好細個，但就十分之醒目，同好做得野，如果你有咩唔明，問佢都得！」
「哦。。。」
「但係呢。。。佢有個唔係咁好嘅缺點仔。。。」
發仔講野愈來愈細聲，神神秘秘，好似怕畀人聽到咁。
搞到我都好奇。
「缺點？咩缺點呀？」
「佢個人呢，比較上，有點兒，少少咁多。。。粗魯。所以你唔好亂惹佢。」
「哦。。。明白。」
「好啦，咁你跟我黎，我介紹你地兩個認識，陣間小心啲講野。。。」
我心諗，連閪面風姐都見識過，應該唔會再有人難搞得過佢啩。
我跟住發仔，行去吧台。。。。。。。
吧台內，有一個著住白恤衫嘅女仔背影。
女孩正搖拭，兩個合上的銀杯。
她搖拭的動作，渾勁有力，自信十足。
搖搖下。。。
突然，將兩隻銀杯分開。
由於我在她背後，所以見唔到現況。
但吧台附近的客人，望到都目定口呆，有些拍手。
咁我就知，佢成功接返住啲酒。
發仔與我到咗吧台，發仔向女孩道。
「阿繞呀，介紹個新同事你識。。。」
此時，女孩另轉身來。
女孩竟然係。。。
紫陰MK妹啊？？？！！！
估唔到，會咁樣見返佢。。。好撚震驚！
我未識反應，碌木咁呆住咗。
紫陰妹，向我露出一個自信笑容。
望住佢對眼，我即刻諗返起。
佢之前，係街同我情深嘅對望。
仲有。。。佢顏射我嘅一刻。
屌！唔諗都由自可，一諗，就好想咳。。。
我：「咳咳咳。。。」
發仔一愕，然後拍拍我背，道。
「喂，阿邦，你冇野吓嘛？」
此時，紫陰妹戚戚嘴角，道。
「點呀你？咳到依家呀？哈哈。。。」
紫陰妹望住我恥笑。
佢瞇起眼嘅笑容，很青春，很活潑。
不過。。。。。。
屌！
如果你知我係邊個，你一定唔敢串我！！！！ .jpg
雖則你係一個樣貌娟好嘅MK妹，啱先搖酒仲要好有型！
但係，你都唔好，三番四次咁串鳩我依啲，純真敦厚嘅小毒撚喎！
我用我能夠吱出嘅霸氣，黎睥住紫陰妹！
發仔：「哦？原來你地識架？」
紫陰妹淡淡然答：「都算識嘅。。。」
我：「嗯，識！」
發仔：「咁就好喇！哈哈。」
然後發仔驀地哄埋我，再細細聲道。
「其實，我啱先講下架咋，你唔好同返佢講，我話佢兇狠呀。。。」
我：「吓？你唔係講兇狠喎，你話惡咋嘛。。。」
發仔企返直，吸一口氣，道。
「咳咳。。。咁我去做野先喇。阿邦你喺吧台依度，睇下有冇客有需要啦，係咁。。。」
語畢，發仔向紫陰妹，恭敬地一個小鞠躬，再走去。
發仔咁驚佢，睇黎。。依個紫陰妹絕非善男信女。
今晚仲要同拍住佢。唉，希望大步檻過啦。。。
由於冇乜客人，我戇鳩鳩咁，企咗喺吧台隔離。
而紫陰妹，就一直揮灑自如咁，沖唔同嘅飲料。
氣氛有啲尷尬。。。
我偷偷望下佢，其實紫陰妹外表QQ地，而且把聲都好柔。
係佢嗰一撇紫色陰，令佢形象mk咗啲。
紫陰妹冇啦啦望埋黎，我即刻移開視線。
紫陰妹開口：「喂，倫敦金，你叫咩名呀？」
聽完我即刻皺晒眉。
「吓？咩話？！咩倫敦金？我都冇做過倫敦金！！！」
「哈哈，咁你上次，著得咁柒，成個斯文敗類look咁。。。」
「嗰日我第一日返工吖嘛！」
「係咁呀原來？嗰日呀，我啲friend一見到你，就話你一定係啲呃阿婆棺材本嘅倫敦佬。」
「所以你先用煙噴我？」
「係呀！哈哈。」
我嘆出一口悶氣。。。
紫陰續道。
「不過呢，其實第一眼，我就知你唔係做倫敦金。」
「因為你睇得出我善良？」
「唔係喎，係因為，就算你著得幾咁懶係醒目咁，我都一眼睇穿，你係一條死毒撚！」
我恕氣一睥！
「唔好嬲啦，玩下啫，咁你叫咩名啫？」
「你唔係睇穿我嘅咩？咁你實知啦！」
「咁我又真係知喎！你叫阿邦吖嘛！」
「吓，你點知架？」
「啱先發仔叫過你囉，傻仔！哈哈哈哈。」
我法國，我好似畀佢撚緊狗。
「唔玩喇，我叫紫繞，你可以叫我阿繞。」
語畢，佢伸出手，邀我握手。
由於我驚又畀佢撚，所以我好快手咁，鳩衝握住咗佢隻手。
「我叫阿邦，你可以叫我阿邦！」
「哦！好呀！阿邦！多多指教喇。」
「多多指教！」
我用眼神，噴射出我嘅霸氣，拋窒佢。
而佢就用，望住弱能人仕嘅眼神望住我。
睥睥下，我見到不遠處有客人揮手。
「我做野先！」
「好。。。」
跟住佢有啲得戚咁笑咗下。
哼！睇住黎啦！mk妹！我有排同你計呀！
我收返埋，攝人嘅霸氣，走向客人。
佢係一個光頭嘅中年肥佬，望落似老咗之後嘅阿bob。
我：「先生，有咩幫到你呢？」
「我想要… 一杯檸檬茶，凍嘅！」佢講野有啲鄉音。
「好，請等等呀。。。」
我正打算轉身。
「喂喂喂。。。」佢又嗌返我。
「係！仲有咩幫到你呢？」
「仲有呢。。。我想問嗰位姐姐。。。做唔做服務架？」
我循著肥佬隻手指望去。
原來佢指緊，吧台入面嘅紫陰妹，唔係，係紫繞。
突然咁樣問，點答佢好呢。我答：「 um。。。佢做架佢做架。」
肥念喜出望外，道。
「真的架？」
「係呀。。。佢陣間，就會沖杯凍檸茶畀你，佢有服務你架。」
點知個肥佬聽完，個樣即刻變得勁惡，睇得出佢興過火屎。
仲即刻轉埋普通話頻道。。。
「操你媽的b！！！你耍我啊？真他媽的。。。」
肥佬講完，拍一拍張沙發。
佢身邊有幾個男人，即刻從沙發企咗起身，個勢一睇就知，佢地係江湖中人。。。
面對咁嘅形勢，我即刻成個大王咁款！
係廿八座大王咁款。。。
我不斷點頭，道。
「唔好意思，唔好意思。。。」
依個時候，發仔行咗埋黎救我。
「肥叉哥咁事咁嬲先？邊個蝦你，同我講！」發仔拍拍心口道。
「我去他媽的！！！我想要那個小姐服務我，這個小子竟然敢耍我！你們廣東話說的，撚鳩我呀！！！」
我望望紫繞，我見到佢都好嬲，撓住對手睥實個肥叉哥。
為免事情惡化，我慢慢移過身，遮住紫繞嘅視線。
發仔望望我，道。
「哦。。。依個傻仔初黎報道，唔知規矩。唉，去第二度啦你！」
發仔拍一拍我頭，推我走。
我知道，發仔咁做係想扔我出火坑之外。
「嗱，肥叉哥，唔好勞氣，繼續攤抖下。」
之後，肥叉哥再操他媽的b，先順返條氣，坐返低。
而我垂頭喪氣咁行開。
我知道做服務行業，係要帶埋阿媽返工，但第一次咁樣畀人狂鬧，始終好撚sad。。。
此時，紫繞佢揚一揚手，叫我過去。
紫繞：「喂，啱先個肥佬講乜春？」
「唉，唔好提喇。」
「屌！叫你講就講啦。」
吓，又要畀人屌？都係照講。。。
「啱先個肥佬話，想你服務佢，我咪鳩應佢囉，點知佢發咁大火。。。」
聽完之後，只見紫繞佢撓住手，點頭道。
「哦。。。係咁呀原來。。。」
發仔行埋黎，道。
「個肥佬要凍檸茶，整杯黎吖阿繞。」
紫繞爽快道：「好呀。」
我忽發奇想，道。
「不如加料囉？」
發仔又拍一拍我頭：「加咩吖，陣間佢劈你，我救你唔到架喇。」
「係。。。」
之後，發仔拎咗杯凍檸茶畀佢。
而我都照常工作，但就冇再行去肥叉哥嗰邊。
但我有時不時望下個肥叉哥。
依條肥佬真係勁猥瑣，時不時色迷迷咁望下紫繞。
最慘係幫佢按頭嗰位技師姐姐，係咁畀佢摸手抽水。
無幾耐，肥叉哥同佢啲靚，做完大堂服務。
之後執埋啲野，準備上樓按摩。
肥叉哥同佢一幫人，起咗身之後。
行得愈黎愈近吧台。。。
而紫繞正專心沖緊飲料，完全唔察覺，有隻披著豬皮嘅狼黎緊。。。。。
睇住肥叉哥，一步一步行近紫繞。
作為男人嘅我，絕不能袖手旁觀，我都行緊過去！
本死無大礙！死就死啦！
肥叉哥佢伸出一隻肉手。
從後，搭住咗紫繞嘅膊頭。。。
之後。。。。
傳來一聲慘叫。
係肥叉哥嘅慘叫。
紫繞頭也不回，一手捉住咗肥叉，在她膊頭上嘅的食指同中指。
之後紫繞一個華麗轉身，迎面對住肥叉，再將佢兩隻手指向上屈！！！
「啊！！！！！你個八婆，放手呀！好撚痛呀！」
只見肥叉手下，一擁而上。
而紫繞不慌不忙，道。
「咪行埋黎，唔係我一野啪斷佢！」
肥叉手下卻步。
紫繞續道。
「死肥鬼，你唔知我邊個呀？」
肥叉嘅手下A，走前，在肥叉耳邊，講咗幾句。
肥叉聽完，先是一驚。
然後烚熟狗頭咁對住紫繞。
「唔好意思呀紫姐，我錯！我衰仔！我有眼不識泰山。你原諒我啦。」
「咁你仲會唔會黎幫襯呀？」紫繞得戚的道。
「會呀會呀，帶多啲人黎幫襯添呀。。。」
「咁有心呀？但係，我唔想再見到你喎！」
紫繞用力屈屈肥叉手指。
「哎呀哎呀，咁我以後唔再黎喇，唔該你放手先啦紫姐。」
「咁你。。。會唔會返黎覆灼呀？」
「唔會唔會，一定唔會呀紫姐。」
紫繞聽到後，滿意地點頭，之後再放開肥叉。
肥叉搓搓手指，跟住揚手，同手下狼狽而去。
我同發仔都睇晒成幕，我撞撞發仔手臂。
「喂，紫繞佢好猛料架，點解肥叉後尾好似好驚佢咁嘅？」
發仔：「唔好問咁多喇。。。」
睇黎紫繞，真係唔可以得罪。。。
可能大堂要做嘅野，比較簡單。
來來去去，都係攞下野畀客人。
時間好似過得有啲慢。。。。
哎呀！好想快啲收工呀！好想快啲同小嵐食宵夜呀！
唔知。。。小嵐會點樣報答我打丁之恩呢。。。
嘻嘻。。。
幾經辛苦嘅等待，終於12點。
表哥落咗黎大堂，搵埋我同發仔，諗住一齊食宵夜，但我約咗小嵐，唯有婉拒表哥。
表哥條淫蟲，再一次提我記得帶套。
嘻嘻。。。今次，我都希望用到。
毒撚嘅我未買過套，陣間有時間買啩。
買嗰陣，唔知駛唔駛check身份證嘅呢。
呵呵呵。。。愈諗愈開心。
執好晒啲野，轉眼間就唔見咗紫繞。
仲諗住講聲拜拜添，算。
去到大門口，我wtsapp小嵐，佢話好快落黎。
哈哈，好開心。
而家，有一種等女朋友落樓嘅感覺。
好幸福呀。
唔知，今日小嵐著咩衫呢。
等等下，我見到遠處有班黑衣男人，大搖大擺咁行緊過黎，成班都兇神惡剎咁樣。
唔駛問阿貴，一定係肥叉搵人返黎報牛。。。。。
要即刻返入去，通知大家先得！
我甫轉身，軟綿綿的觸感襲來。
「啊！！！你想死呀？！」
係紫繞。
成班男人一見到紫繞，即刻衝過黎。
佢地幾個大男人，首先捉住咗我。
我望住，仲企喺度嘅紫繞。
佢雖然外表硬朗，但依刻從佢眼內，見到些點閃爍的感動。
但係！而家唔係呆企嘅時候！我大渴道。
「快啲走啦，你畀佢地捉住，就渣都冇喇！」
但係，一切已經太遲，紫繞畀啲黑衣人圍住咗。。。
「紫姐！！！！！！！！！」
上面嘅感嘆號，代表黑衣人嘅人數。
佢地好齊咁叫紫繞，唔講以為拍緊戲。
頭馬向紫繞道。
「紫姐，依條柒頭皮係咪郁你？駛唔駛捉佢去打邊爐？」
「冇呀。。。Friend黎架，放咗佢啦。」
「唔係喎，啱先明明聽到你問佢，係咪想死呀？咁架！」
「我叫你放人呀！你係咪想死呀！」
頭馬：「放！」
手下：「係！」
幾個大隻佬終於放開我。
嘩，我覺得膊頭個關節位好似鬆鬆地咁。
紫繞走近我，道。
「傻仔！幾夠雷！我對你另眼相看！」
「哈哈。。。多謝呀。。。」
我摸摸褲檔，睇下有冇瀨尿。
「咁唔傾喇，走先。」
紫繞說完，揚一揚手，帶領成班黑衣人而去。
「哦。。。拜拜。」
我仲維持住。。。
廿八座大王mode。
唉，我摸埋後褲檔，好彩冇事。。。
「喂！」
突然有人拍我膊頭，我嚇到彈咗下，差啲跌咗個腎出黎。
我一另轉，係Jessie啊！！！！！！！
點解咁多個感嘆號？？
因為，佢今晚著得好正啊！！！！！
佢上身。。。著件藍白色，直間條Tee，佢豐滿嘅上圍，唔留情面咁將件Tee撐到好開，仲搞到啲直間變晒曲線。
而且件Tee嘅尾紮住咗，成條腰窩好苗條！好想扶住！
同埋今次佢下身，著咗條黃色短裙。係短裙！終於唔係熱褲。。。
驟眼望去，成個look好似啦啦隊咁！！！
一大堆關於啦啦隊嘅劇情，喺我腦海中浮現。。。
Jessie叉住腰，嬲爆樣望住我！
「喂！！！你個樣好衰呀！！再係咁望我就打爆你！」
「哈哈。。。好好睇呀你咁著。」
「哼！死咸濕佬！行啦，慢慢畀你睇喇！」
「哦。。。好呀。。。哈哈。。。」
屌！咪住，行乜鳩啫，我約咗小嵐架！！！！
雖然我碌鳩，已經行前咗。
但我個腦仲留喺原地。。。
點好呢，跟Jessie定係等小嵐呢。。。