被一個師姐收養咗【愛情】【校園】【武俠】: 第八頁：學生地下組織－調查篇

其他人都喺度嘗試記住啱啱教嘅嘢，只有靖嵐一直喺度幫手搞人。「你唔練嘅？」靖嵐：「我八九歲就已經學完呢套嘢」

三個鐘之後
教練：「今日到呢度 落堂啦」我同靖嵐去到美心食lunch。靖嵐：「覺得點呀～」「OK嘅 又唔係話好難記」靖嵐：「咁就陪我一齊玩啦～」

唔知點解佢叫到，我內心又覺得好樂意～「好～」靖嵐：「咁返去未？」「我想去買啲嘢 你返去先啦」靖嵐：「哦 好啊」

我去咗apm買尿袋，因為我經常用電話打機，雖然係iphone，但唔用尿袋，半日就無哂電。而之前個尿袋係行李，但我啲行李係呀爸呀媽度。

返去嘅時候




後面突然有個麻袋笠住我「喂！咩事」之後就係感覺到俾人帶咗上車，然後去到一間房坐低左，一個女仔過嚟拎去個袋。

一個戴眼鏡著住我哋學校校服嘅男仔坐係我對面：「你好啊 我係學校學生會嘅會長」「咁無端端帶我嚟呢度做乜」

會長：「想唔想做兼職？」「嚇？」會長：「每間學校都有個地下組織 有學生會私底下尋找成員 幫手解決學校問題 即係特工」「咁你搵我嚟係？」會長：「我哋想你加入」

「Er......」會長：「時薪100」「deal」會長：「非常好」「咁你地想我做咩？」

會長：「最近有一班人係其他學校販賣禁藥 雖然未到我哋學校 但如果唔處理 佢哋個範圍就會去埋我哋學校 其他學校嘅地下組織都派左人去處理」





會長：「而我地查到有一個買家 仲知道佢聽日會去海洋公園 所以想你去睇下 呢張係佢張相」講完就拎左一張着住其他學校校服學生嘅學生相出嚟

會長：「Wendy」多女仔拎出張海洋公園飛出嚟。會長：「我想你去海洋公園睇下 我仲搵咗兩個你識嘅人同埋一個女仔去幫你」

「我識嘅人？」會長：「家川 靖嵐 仲有一個女仔叫允寧 你哋以後就係一隊」

繼續