被一個師姐收養咗【愛情】【校園】【武俠】: 第七頁：再次接觸武術－失意篇

患難見真情，以前身邊都有班人跟住身，我亦唔吝嗇咁同佢地交心做朋友，同佢地去打機，永遠都係包晒佢哋網吧所有費用，包括課金，呢幾日佢哋都用唔同嘅原因唔同我打。除咗家川

到依㗎我只剩返家川同靖嵐。有兩個我都已經好滿足。你可能會問，點解我唔搵家姐？如果你從我嘅角度出發你就會明。

係一個重男輕女子承父業嘅家庭，男嘅被父母選擇咗，而女嘅被放棄咗。但佢平時又對我好，咁試問我有咩面去見家姐？

靖嵐：「星期六日同我一齊出去～」「去邊呀？」靖嵐：「嗰日咪知囉」講起上嚟，靖嵐每逢星期六日都會一時間着住件運動服出去，然後同一時間返嚟

到咗星期六
靖嵐同我去到一個大廈上面一間跳舞嘅房，即係有塊鏡丶然後有條扶手嗰啲。入面有個叔叔同另外兩個女仔同兩個男仔。





叔叔：「靖嵐 佢就係你介紹嗰個嗱？」靖嵐：「係呀～」做咩事. . .叔叔：「到齊開始啦～先熱下身先～」我哋開始做一啲拉筋壓腿嘅動作，唔通帶我嚟跳舞？

叔叔：「馬步」咩話！？我唯有跟足佢意思做. . .叔叔：「雖然有啲唔穩 但你以前係咪學過武術？」「係呀 細個嗰陣」

叔叔：「咁練都唔難嘅啫～好 轉 出拳 留意用腰力」首先係直拳左右50下，叔叔：「Next 真橫勾 左直拳 之後右手向橫打 然後左手勾拳 同樣50」. . . . . .

做完呢啲熱身之後放我哋去飲水。「無端端帶過嚟學拳嘅. . .」靖嵐：「費事你又俾人打吖嘛～」「原來你有學開架 我屋企傳落嚟 咁啱上幾代同教練上代係師兄弟 星期六又冇野做咪過嚟玩下囉～」「原來係咁～」

叔叔：「盡量試吓跟 因為佢哋今日學新野」「好吖」之後我哋開始學一套叫「玄武拳」嘅嘢。





叔叔：「沉着度氣 咁樣先練到你哋嘅內力 但記住唔係叫你閉氣 適當調整呼吸」

待續