[重口味][重甜愛情]三人世界: 第三十八回 報復

第三十八回 報復

當我地知道大家都係無可能之後,個關係反而變得正常返.
可能係因為我地依然重視對方,只要唔越過條底線.

我現在只可以係呢個三人世界入面搵個平衡點,
不過呢個平衡點好快被一件事打破咗.

[華,你幫我打電話比家姐.]



[做乜?]

[佢又話今晚返呢食飯,但係到現在都唔見人.]

[咁我試下搵佢.]
結果May無聽電話.

[打唔通,可能佢做緊野,唔方便傾電話.]

[唔....咁我同你食飯先啦,我煮咗你鍾意食既野.]



[哦,好呀咁我地食先.]
我地食完飯,睇埋電視成十一點都未見May返.

[家姐平日好少咁喎,電話都無個.]

[無野既...妳都知佢做社工,有時要夜晚出動.]

[唔...咁我訓先.]



[唔,我睇多一陣電視就訓,妳訓先.]
佢走過呢鍚咗我一啖就入咗房訓.

我係廳望住部電視不知不覺都訓著咗.
訓訓吓突然電話響.

我望一望個電話,係明少?
自從上次打完佢一鑊勁佢都無再搵過我,

我睇下錶,成兩點佢搵我做乜,
我應承過May,我唔會再接觸以前D人.
所以我無理佢,cut咗佢線.

一分鍾後,條友send咗個短訊過呢.
我睇到即時成個彈咗起身.


我睇到一張圖,圖入面有個女人訓咗係梳化唔郁,
嗰個女人係May.
我立即打電話比明少.

[喂!!你想點呀.]

[終於肯聽我電話咩....華...哥.]

[我問你捉咗May想點呀.]

[想點?重洗問既,上次屌得唔過癮今次咪再屌過囉.]

[你咪亂呢呀!!]

[我現在重未亂呢,半粒鍾之後佢醒返就唔知啦,


上次死魚咁邊好玩架,我今次要屌爆佢呀,哈~~~哈~~~哈~~~.]

[你.....]

[你乜野呀,我係遊艇上面呀,快D呢搵我啦,唔好諗住報串,如果唔係等收屍.Bye bye.]
條仆街原來捉咗May,即刻入房攞咗把刀以防萬一.
當我想走時Ivy醒咗,

[華,咁夜你去邊呀?]
唔可以比佢知May出咗事.

[我...公司有事,唔見咗一批貴貨,現在全世界都要返去幫手搵.]

[哦....]



[重有....我剛剛搵到May,佢話有時,無咁早返.]

[哦....咁你早D返啦.]

[唔.]

講完我即刻飛車去白沙灣碼頭.
去到之後望出去個海黑嘛嘛乜都睇唔到,

我跟本唔知佢隻遊艇係邊.
跑到最出個位望出去,見到海面有燈光,應該係佢.
但係點過去,四周圍人都無個,又無船.

呢個時候見到前面貼咗張紙係欄杆上面,我行過去一睇,
上面寫住,[我係出面呀撚樣,快D過呢搵我啦.]



跟住望一望地下有個求生水泡.