[重口味][重甜愛情]三人世界: 第三十三回 晚飯

第三十三回 晚飯

[妳唔係警察....咁唔通....妳係媽咪!?]

佢突然好大返反應,幾乎企咗起身想打我咁.
[你….]

佢欲言又止,停咗係到幾秒唔知諗乜咁.

跟住就一野拍落我個頭到.


[你發神經,我係社工呢架.]

吓!!!乜原來佢係社工,唔怪之得佢咁清楚D江湖事啦.
[唔...唔..好意思,我一直以為妳係警察.]
[白痴.]

佢又嬲爆爆咁坐返低.
[我接觸好多邊青古惑仔所以咪好清楚你地呢D人攞...]

佢講你地兩隻字特別用力.


[我...無行古惑啦.]
[如果唔係我會比個妹同你一齊咩.]
[其實妳同Ivy相差幾多年?雖然妳兩個行埋好似,但係我硬係覺得妳大過佢好多吓.]
[關你乜野事,你咁八卦做乜?]
[無....問下啫,問下啫.]

睇呢今日佢燥燥地,可能姨媽到,都係出小句聲.
[華,其實我當初好唔鍾意你.]
[我知....你唔鍾意我係古惑仔丫嗎.]
[不過估唔到你講得出做得到.]


[男人呢架嗎.]
[你要好好對我個妹.]
[妳放心,我一定會.]

呢餐飯其實都食得幾開心,我地一邊食一邊吹水.

食食下突然有人叫我,我望一望係以前我望一望係以前d舊客.

[華哥,好耐無見喎,去咗邊搵食呀?]
[我...無撈偏好耐啦.]
[屌,咪講笑啦,你唔撈偏做得乜丫.]

唉~~~古惑仔真係成世比人睇死.
條友跟住問:[喂,棋棋重有無開工.]



屌!佢又係我佢又係我d失散既兄弟....
[佢都無做啦.]
[咁....呢條女呢？]

佢望住佢望住May講,我即刻扯火,
[喂,你尊重小小好唔好呀,咩野呢條女呀?]
[屌,同馬伕食飯唔係雞係咩丫,唔通係女朋友咩.]

我即刻企係身一手捉實佢條頸講.

[乜野雞呀,你夠膽講多次.佢係我....朋友呀.]

May見我咁大反應都企咗起身,

我以為佢想阻止我,點知佢一支箭咁衝咗出門口.


我一手推開條仆街諗住追上前,點知又比侍應阻住.

[先生,你咪比錢呀.]

屌,呢個時候走呢阻住晒,拿拿淋比完錢追出去.
去到街原全唔知佢走咗去邊,打電話比佢佢又唔聽.

大鑊啦,我係尖東好似玩長跑咁係咁四周維搵,

公園又唔見,噴水池又無,點算.
只好去海濱長廊睇下,一路向太空館嗰邊跑,都係唔見人.

唉~~~真係唔知佢去咗邊,睇呢佢自己返咗屋企.
我只好走回頭路,唔知佢做乜咁大反應,



可能比人當係雞唔鍾意啦,咁又係既,

啱啱我先以為佢做媽咪,跟住又比人當係雞,比我都嬲啦.
我行行下,見刑前面有個人坐係海邊,咪係May.

[May!!!]

我立即跑過去啦,行到埋去先知佢係到喊緊.
[對唔住呀,都係因為我先令妳比人誤會.]

佢無出聲繼續喊,我只好坐係佢側邊等佢冷靜返先,

睇住個無敵海景,再加個月光,呢一刻真係幾浪漫,

可惜係May係到喊緊.好想借個膀頭比佢挨.



不過就算我想佢都未必要啦,算吧啦,

唔好諗D無謂野啦.