[重口味][重甜愛情]三人世界: 第九回 風險

第九回 風險

由個日開始我就同Ivy一齊,
佢真係好鬼純,完全比到我初戀既感覺.

佢有問我做邊行,
我知我份工唔見得光,我無諗住呃佢架.
所以我同佢講係做馬伕.

點知佢問我係沙田定跑馬地?


我諗...佢會錯意,
不過諗深一層,大家工作性質一樣之嗎
佢地拖住又係動物(馬),我地拖住都係動物(雞).
佢地要去沙圈行,我地都要帶佢地出街.
佢要洗馬房,我都要好好照顧D小姐.
所以我就順水推舟話我係馬會做...

有一日Ivy話:[Kitty話佢攪遊船河,你有無假呀?]
請假?我做間(公司)好似無呢樣野架喎.
船P?唔洗問又係明少啦.



[妳地幾時去?]

[今星期六.]

[星期六應該唔得啦跑馬日.]

[咁...無辦法啦,只好我同家姐去.]
我一聽到呢句個心又跳一跳.



[妳...家姐都去?]

[係呀,佢成日都係屋企,所以叫埋佢一齊出去玩吓囉.]

[妳家姐....佢無拍拖咩?]

[無呀,有無男仔介紹?]

我講笑話:[我囉...]

[你就想啦,你唔係有我咩.]
之後一野咀過呢.

如果我識妳家姐先可能唔同講法.
不過算啦,唔好再諗佢啦,發下春夢就得,睇樣佢大我唔少,我諗都有27,8歲.


就係咁我只好返工,佢地去船P.
點知到咗船P前一晚.....
[大佬,有傞佬呢呀,點算.]
做咗成年馬伕都未試過比傞佬冚竇,真係驚都鳩縮.

大佬果然經驗老到,佢好鎮定咁講...
[亞鬼!!幫我地係前門頂住,我地走後門.]

[吓!!咁其他人呢?]

[D女最多咪送返大陸,亞鬼係道友無人會理佢架,佢又係唔第一次.]

[放心啦佢地無事架,走啦!!]
咁我就跟住大佬一齊係後門走,



一出去已經被傞佬見到.
[警察!!前面兩個人咪郁!?]

都唔知點解每個傞佬都鍾意講呢句廢話.
你叫我唔郁我就企定定係到比你捉?采你都傻...

我同大佬二話不說走去後樓梯,
一入去即刻攞野頂實對門,等傞佬開唔到門.
然後推開窗由二樓跳落地下.
你地依家明點解咁多雞竇都係唐樓重要底層啦.

之後我同大佬分頭走,佢轉左我轉右,
好彩一出大街啱啱見到有的士經過,即時飛身上車.

不過架的士行咗兩個街口我就落車.


點解?理由好簡單,d傞佬可能睇到我上的士,
自然會叫警車追,或者有roadblock,
而我落車地點正正就係我泊車既地方,
立即轉車離開,神不知鬼不覺.

果然計劃成功,唔見有警車係我後面.
呢個時候電話響起,係大佬.
睇呢佢都走甩咗.

[喂！大佬,你點呀.]

[我無事,好彩跑得快,呢排唔好返竇,有野我遲d再call你.]
我同佢都總算大步攬過,
一條友揸住部車一路行,行咗去黃金海岸,平日心情唔好都鍾意呢哩到.
落車去咗麥記買咗杯雪糕,坐係出面望住個海係到諗,


今次好彩走甩,下次就未必有咁好彩.
如果比傞佬拉咗,到時Ivy就乜都知道晒,我係唔係應該轉行呢?