[重口味][重甜愛情]三人世界: 第八回 戀愛的感覺

第八回 戀愛的感覺

食完飯明少就話:[有無人想坐法記兜風呀?]

肥妹同佢條女當然話好啦.
Ivy又再望一望我,睇呢佢都好似想去咁.
明少當然預計到肥妹想坐法拉利啦,
條仆街又玩野:[我部車妳坐唔到架喎,妳坐華哥部civic仔啦,慢D安全好多架.]

肥妹知我有車就講:[好呀,我都係鍾意坐華哥身邊.]


死仔!!串鳩我車慢,搵日再同你算帳.
佢跟住重講:[咁Ivy你都過呢坐法記啦.]

Ivy唔知係唔係見肥妹企係我身邊,
所以....佢答應咗明少,T_T
睇住Ivy上咗明少車絕塵而去,個心痛一痛,無啦無啦.
我開始明白點解咁多人仇富.

呢個時候肥妹重嚟煩我.
[你部車係邊呀.]



[壞咗.]

[吓,咁你點走呀.]

[行路.]

我跟住已經好醒目先問肥妹:[妳行邊一邊?]
費事同佢同方向走.



[你行邊我咪行邊囉,你住邊到架.]
我頂丫,有無再煩D呀,我開始有火.

[我住梅窩呀.]

[吓!咁點行呀?]
我.....忍妳唔爆粗.
即刻做咗一個氣聚單田既手勢,深深吸咗一口大氣.

[實不相瞞,小弟苦練咗鐵掌水上飄多年,一陣我就行出佐敦海邊直接跳落去.]

[妳.係.唔.係.一.齊.跳.呀!!]
見到我咁語氣肥妹終於知驚.

[咁...咁...我走先.]


終於打發咗肥妹走,
一條友唔想返屋企,只好係條街到慢無目的咁行,
個心一路想起Ivy,佢會唔會同明少玩3P?越諗個心就越實.

唉~~~人家係就係玩3P,不過係無我份.
這些機會不是我.JPG

突然有人係身後叫我:[華哥....]
一聽呢把聲...又係肥妹,

我真係要破戒爆粗,一轉身我就:[我屌.....]
好彩個屌字收得快,原來係Ivy,點解佢係到?

[Ivy!?妳...唔係坐明少車咩?]



[太快,唔啱我.]
Yes!!我重有機.

[咁..妳又走返呢?]

[因為...想同你講聲多謝,上次醉咗要你送我返屋企.]

[唔洗客氣.]

[我知kitty當晚比明少....雖然佢話唔介意.]
Kitty?邊個Kitty?呀!!明少條新女.

[好彩當晚係你送我走,如果係佢...]
呢一刻我開始有D內疚,當晚我好似都立心不良想檢屍又抽佢水.
我只好尷尬咁笑一笑.



[咁....我現在送妳返屋企?]

Ivy好甜咁笑:[唔.]
一路上我同佢有傾有講,好鬼開心.
好快咁就送到佢屋企樓下.

見住佢落車行去門口,好甜咁對住我笑講Byebye,
久違咗既戀愛感覺返咗呢啦.

點知佢突然又走返轉頭同我講:[家姐話如果有機會就請你返屋企食飯多謝你喎.]
一聽到佢題起亞May,個心即刻跳得好利害.
[呀....好....揾日...]
我連講野都口窒窒,之後Ivy就走咗.



我望住前面個軚盤,隻手有小小震,因為個心重未平靜到,
做乜無啦啦題起May?做乜我會咁大反應?