我是一名SEN的中學生: 第三十七章：覆診

「柏霖，又見到你啦！」

「馬醫生，你好！」

馬醫生是負責我治療工作的教育心理學家，由我初中正式確診和發生了「Prefect事件」後，她便定期替我覆診，了解我學校的日常生活和心理健康狀況。

「你呢一排WhatsApp 搵少左我，應該少左煩惱啦！」

「一黎啦，二來自己又多咗野做。」





「例如呢？」

「公開試，練田徑，做下義工囉。」

「聽落好充實喎！」

「不過呢一排都幾多災多難，幫助一個俾人欺凌嘅同學出頭，但得罪咗上面嘅頭頭。」

「又係好似上次你俾人握左出黎咁？」





「係呀，不過自己係學校既勢力已經愈來愈大，原來有好多人支持我㗎，咁都好小小。」

「有人支持係好事，但都唔好太自滿呀，你應該都唔想變成加害者㗎？」

「係。。。。。」

「不過見到你呢半年有明顯既進步係好事黎，你又冇以前咁憤世嫉俗，唔會成日鑽牛角尖同亂發脾氣先。」

「呢個都要好多謝一路支持自己嘅朋友既。」





「就係之前你講既果對情侶果個叫悠悠既女仔？」

「係呀，同埋最近我同佢一齊左呀～」

「叻仔喎，但係要注意時間分配喎，同埋呢你都要經歷更多經驗先至可以更加進步到，學校只係其中一個縮影，真係試吓出去玩唔同既活動，識更多唔同既人，同面對更多唔同嘅情況啦！」

「人心。。。真係咁複雜咩？」

「你大個d就會明白架啦！」

又係呢句。。。

雖然見過Titus這類人渣，但其實為何大家都要做戲般同其他人相處，不會辛苦嗎？

還有其他同學為何一時一樣，一時又支持我，一時又排斥我，而且他們好似只是跟隨風向，沒有一點獨立思考？





難道盲亨說的話是真的？

很多人表面上也是正正正常常，但他的大多是心盲的。

「By the way，你可以減藥啦！一直應黎你既副作用應該令到你好辛苦，你好叻呀！」

「多謝你，馬醫生。」

「飲唔飲野呀，我係雪櫃拎俾你啦！」

「好呀！」

馬醫生走到雪櫃拿取飲品的時候，我驟眼看見桌上的一張過膠咭，上面寫着控制情緒的十個方法，有種似曾相識的感覺。





悠悠的notice?

「哦！呢張係俾我其中一個有情緒困擾既病人點樣幫自己舒壓既cheat sheet。」

馬醫生看見我好奇着這張的膠片，回答了我的疑問。

閒談片刻後，我便離開診症室等候取回我的診斷報告和藥物，準備離開。

另一方面，馬醫生的手機上顯示了一則信息：

「今日我男朋友係咪黎左？」