我是一名SEN的中學生: 第二十四章:Titus

午夜十二點， Titus依然在溫習着明天的測驗。 
 
即使自己今天因為已經出席了港青田徑隊的操練而導致全身的肌肉極為酸痛，他仍堅持著溫習著書本和補習的筆記，務求明天的測驗要拿滿分。

 一來是為了保著自己全級總成績第一的排名，二來是為了爭取自己的父母親對自己的關懷和讚賞。

 「返嚟啦，未瞓呀？」Titus的母親問。
 
「你見唔到咩 ？我溫緊書。」
 




「繼續啦，唔阻你啦！ 係啦，今個月嘅零用錢已經轉曬落去你個戶口入面la! 同埋後日我同你阿爸要去英國公幹，兩個星期後先至返。」
 
「你地到底幾時先抽到時間陪我？ 我喺學校畀人打你有冇關心我？ 我成個身都係瘀痕呀！」
 
「我返到嚟先再處理呢啲事ar， 呢排公司真係好多嘢做，好對唔住。。。」
 
「你呢句已經講過好多次，我都唔知應唔應該再信你好？」
 
「好對唔住。。。」接著她便默默關上了房門。
 




「吔屎啦！永遠都陪唔到我！永遠都唔同我玩！咁我唯有同學校啲人玩下啦！ 啱曬啦，個個都咁怕事，係畀我撳住踩㗎啦！ 幫我解下悶都好！以前小學都忍得耐啦！又畀人撳住黎恰，屋企又強權。。。 如果唔係發生左嗰件事，我都唔會有今日！！哈！」
 
他拿著飛鏢，一手把飛鏢扔向那一張掛在牆上的大頭照片， 那一張照片一早已經佈滿洞孔。。。
 
「李柏霖，我要置你於死地，萬劫不復！」